Udhëto dhe studio

Që nga viti 2009, qytetarët e Maqedonisë së Veriut që kanë pasaporta biometrikë mund të udhëtojnë në zonën Shengen të BE-së pa viza deri në 90 ditë brenda një periudhe gjashtëmujore. 

Për njerëzit që synojnë të punojnë gjatë një qëndrimi të shkurtër ose që duan të qëndrojnë për më shumë se 90 ditë, kërkohen të dyja vizat dhe lejet e punës. 

Erasmus+ është program i Bashkimit Europian për arsim, trajnim, rini dhe sport. Ai u ofron studentëve, mësimdhënësve, praktikantëve dhe ndërmarrjeve mundësi për të studiuar, punuar dhe për të bërë stazhin si dhe shkëmbime në të gjithë Europën.

Programi Erasmus për periudhën 2021-2027, ka një buxhet prej 26.2 miliardë eurosh. Kjo plotësohet me rreth 2.2 miliardë euro nga instrumentet e jashtme të BE-së. Duke u bazuar në suksesin e programit në periudhën 2014-2020, Erasmus+ rrit numrin e mundësive të ofruara për edhe më shumë pjesëmarrës dhe për një gamë më të gjerë organizatash. Erasmus+ është bërë më gjithëpërfshirës, ​​më dixhital dhe më i gjelbër. Ai gjithashtu përfshin DiscoverEU i cili u ofron 18-vjeçarëve mundësinë për të marrë një biletë treni europiane për të udhëtuar, për të mësuar nga kultura të tjera dhe për të takuar europianë të tjerë.

Në Erasmus+, Maqedonia e Veriut është në një pozitë të barabartë me Shtetet Anëtare të BE-së. Që nga viti 2021, BE-ja ka financuar në kuadër të ERASMUS+ mbi 39,900 shkëmbime midis qytetarëve të BE-së dhe Maqedonisë së Veriut në fushat e arsimit, trajnimit, rinisë dhe sportit.