Па просьбе Высокага прадстаўніка Жазэпа Барэля Генеральны сакратар Еўрапейскай службы знешніх дзеянняў Стэфана Саніна выклікаў Пасла Рэспублікі Беларусь у Еўрапейскім саюзе Аляксандра Міхневіча, каб асудзіць недапушчальны крок беларускіх уладаў, якія вымусілі грамадзянскі самалёт здзейсніць экстранную пасадку ў Мінску і затрымалі яго пасажыра Рамана Пратасевіча, незалежнага беларускага журналіста і актывіста.

Пасол Міхневіч быў праінфармаваны аб рашучым асуджэнні інстытутамі ЕС і дзяржавамі-членамі ЕС гвалтоўнага акту, падчас якога ўлады Беларусі паставілі пад пагрозу бяспеку пасажыраў і экіпажа.

Генеральны сакратар Саніна перадаў пазіцыю ЕС пра тое, што абуральныя дзеянні беларускіх уладаў уяўляюць сабой яшчэ адну грубую спробу заглушыць ўсе галасы нязгодных у краіне, і запатрабаваў неадкладнага вызвалення спадара Пратасевіча.

Здзейснены ўчора непрымальны акт будзе абмеркаваны на сённяшнім пасяджэнні Еўрапейскага савета. ЕС разгледзіць наступствы гэтых дзеянняў, уключаючы магчымыя меры супраць вінаватых.