Global Gateway (Portali Global) është strategjia europiane për të nxitur lidhjet inteligjente, të pastra dhe të sigurta në sektorët dixhitalë, të energjisë dhe të transportit, dhe për të forcuar sistemet e shëndetësisë, arsimit dhe kërkimit në mbarë botën. Nëpërmjet një 'qasjeje të ekipit të Europës', Global Gateway bashkon BE-në, Shtetet Anëtare dhe institucionet e tyre financiare dhe të zhvillimit për të mobilizuar sektorin privat për të nxitur investimet që promovojnë rritje të qëndrueshme.
Midis vitit 2021 dhe 2027, Ekipi Europa po mobilizon deri në 300 miliardë euro investime për projekte të qëndrueshme, transformuese dhe me cilësi të lartë rreth globit, duke marrë parasysh nevojat e vendeve partnere dhe duke siguruar përfitime të qëndrueshme për komunitetet lokale. Kjo u lejon partnerëve të BE-së të krijojnë shoqëri dhe ekonomi rezistuese dhe të qëndrueshme, por gjithashtu krijojnë mundësi për sektorin privat të Shteteve Anëtare të BE-së për të investuar dhe për të mbetur konkurrues, duke siguruar njëkohësisht standardet më të larta mjedisore dhe të punës, si dhe menaxhim të shëndoshë financiar.
Për më shumë informata
https://global-gateway-forum.ec.europa.eu/index_en
Global Gateway në Maqedoninë e Veriut
Në kuadër të Global Gateway, BE-ja ka identifikuar investime në transport të qëndrueshëm, energji të pastër, mjedis jetësor dhe klimë, të ardhme dixhitale, kapital njerëzor dhe në sektorin privat. Këto investime synojnë të mbështesin tranzicion të gjelbër dhe dixhital dhe ta sjellin rajonin më afër tregut të vetëm të BE-së.
Për projektet në Maqedoninë e Veriut, që nga viti 2020, BE-ja ka mobilizuar tashmë 1.8 miliardë euro në investime falë 638 milionë eurove në formë të granteve të BE-së. Fondet mblidhen përmes mjeteve të tilla si Korniza e Lehtësimit të Investimeve në Ballkanin Perëndimor (WBIF).
Kjo përfshin:
• Përfundimin e rehabilitimit të një linje hekurudhore prej 34 km midis Beljakovcës dhe Kriva Pallankës në Korridorin Hekurudhor VIII, duke siguruar qasje të drejtpërdrejtë në mjete moderne transporti për më shumë se 350 000 njerëz.
• Rritjen e kapacitetit të parkut të energjisë eolike të Bogdancit deri në 15 MW, gjë që duhet t'i mundësojë objektit të furnizojë 22 000 amvisëri me energji të pastër dhe të shmangë 153 600 ton emetime të CO2 çdo vit.
• Ndërtimi i një impianti për trajtimin e ujërave të zeza për Shkupin, që pritet t'u shërbejë 528 900 njerëzve dhe të zvogëlojë ndotjen e lumit Vardar.
https://www.wbif.eu/beneficiaries/north-macedonia
https://www.youtube.com/watch?v=fcIV3X0zQpo
Projektet kryesore të Portalit Global në rajonin e Ballkanit Perëndimor dhe Türkiye
https://neighbourhood-enlargement.ec.europa.eu/document/download/367a31ec-7d8c-45c6-b087-8aa86d14332f_en
