PRINTO

Hapet thirrja për Çmimin e Gazetarisë Hulumtuese të BE-së 2024 gazetarë në Ballkanin Perëndimor dhe Turqi

14.05.2024
Prishtinë
Ekipi i Shtypit dhe i Informacionit i Zyrës së BE-së / Përfaqësuesit të Posaçëm të BE-së në Kosovë

Aplikimet janë të hapura për Çmimin e Gazetarisë Hulumtuese të BE-së 2024, përmes të cilit Bashkimi Evropian do të shpërblejë tregimet më të mira të krijuara në Kosovë gjatë vitit të kaluar kalendarik. Fondi i çmimeve për Kosovën është 10.000 euro, dhe mirënjohja ndahet në kuadër të projektit “Forcimi i gazetarisë cilësore në Ballkanin Perëndimor dhe Turqi II”. Çmimi synon të njohë dhe të paraqesë arritje të jashtëzakonshme në gazetarinë hulumtuese dhe të rrisë dukshmërinë e tregimeve cilësore.

Call for the EU Investigative Journalism Award 2024 is open
© European Union in Kosovo, 2024

Çmimi feston tregimet më të mira hulumtuese të krijuara në vitin e kaluar kalendarik dhe jepet në Ballkanin Perëndimor (Serbi, Bosnje dhe Hercegovinë, Shqipëri, Mal të Zi, Kosovë, Maqedoninë e Veriut) dhe Turqi. Për vitin e dytë radhazi, Çmimi i BE-së vlerëson gjithashtu artikujt hulumtues më të mirë rajonal.

Fondi vjetor i çmimeve kombëtare dhe rajonale për secilin prej vendeve është nga 10,000 euro secila. Për secilin shtet  do shpërblehen tre artikujt më të mirë të vitit, dhe vlera e tyre për çmimet kombëtare dhe rajonale është 5000 (për vendin e parë), 3000 (i dyti) dhe 2000 (për të tretin) euro.

Secili kandidat mund të nominojë punën e tij për çmimin kombëtar, rajonal ose të dyja. Një kandidat mund të aplikojë me maksimum 3 aplikime në konkurs. Këtë vit, anëtarët e jurisë së konkurseve kombëtare kanë të drejtën ekskluzive për të sugjeruar artikuj që ata mendojnë që kanë vlerë rajonale për konkursin rajonal, edhe nëse artikulli nuk ishte nominuar fillimisht për atë nivel të konkursit.

Organizator i çmimit është sërish Thomson Media, një organizatë me përvojë dekadash në zhvillimin e medias dhe promovimin e lirisë së medias në nivel global.

Afati i fundit për dorëzimin e aplikacioneve është 13 qershor 2024, deri në mesnatë me orë lokale dhe të gjithë të interesuarit mund të mësojnë më shumë detaje dhe të aplikojnë për projektin në linkun: https://euwbmedia.com/2024/05/call-opens-for-eu-award-for-investigative-journalism-2024/

Ky projekt financohet nga Bashkimi Evropian dhe zbatohet nga një konsorcium i përbërë nga Rrjeti Ballkanik i Gazetarisë Hulumtuese - BIRN Hub, Universiteti i Evropës Qendrore (CEU) - Hungari, Shoqata e Gazetarëve (AJ) - Turqi, Thomson Media (TM) - Gjermani, Universiteti Goce Delchev Shtip (UGD) - Maqedonia e Veriut, Sindikata e Pavarur e Gazetarëve dhe Punonjësve të Medias (SSNM) - Maqedonia e Veriut, Shoqata e Mediave të Evropës Juglindore (MASE) - Mali i Zi dhe Rrjeti Ballkanik i Gazetarisë Hulumtuese në Kosovë (BIRN Kosovë).

 

Nëse keni ndonjë pyetje, mund të na dërgoni një linjë këtu: EUAwardkos@thomsonmedia.de