2018 թվականը Եվրոպական մշակութային ժառանգության տարի. Հայաստանյան միջոցառումների մեկնարկ

Հայաստանում ԵՄ պատվիրակությունը հրավիրում է ԶԼՄ ներկայացուցիչներին Հայաստանում «2018 թվականը՝ Մշակութային ժառանգության Եվրոպական տարի» նախաձեռնությանը նվիրված միջոցառմանը: Մեկնարկը կտրվի հունիսի 16-ին, ժամը 18:30-ին, «Զվարթնոց տաճար» համալիրում (հասցե՝ Հայաստան, Արմավիրի մարզ, Արմավիր, Զվարթնոց թաղամաս), Հայաստանում Եվրամիության պատվիրակության ղեկավար դեսպան Պյոտր Սվիտալսկիի, ՀՀ մշակույթի նախարար Լիլիթ Մակունցի և Եվրոպական փառատոնների անդամ «Երեւանյան հեռանկարներ» միջազգային երաժշտական փառատոնի նախագահ Ստեփան Ռոստոմյանի  ճեպազրույցով՝ որի ժամանակ նրանք կներկայացնեն ԶԼՄ-ներին Հայաստանում «Եվրոպական տարվա» և մեկնարկային միջոցառման  կարևորությունը:

Այնուհետև, հունիսի 16-ին ժամը 19:00-ին  «Զվարթնոց տաճար» համալիրում  տեղի կունենա  Հայաստանում «2018 թվականը՝ Մշակութային ժառանգության Եվրոպական տարի» նախաձեռնության մեկնարկային համերգը՝ Էստոնական «Հորտուս Մուզիկուս Անսամբլի» կատարմամբ, որի գեղարվեստական ղեկավարն է  Անդրես Մուստոնենը:  
 

Նախօրեին, հունիսի 15-ին,  Բյուրականի գեղարվեստի ակադեմիայում Էստոնական «Հորտուս Մուզիկուս Անսամբլը» և Գուրջիև անսամբլը կանցկացնեն համատեղ աշխատաժողով և վարպետության դաս, որից  հետո տեղի կունենա «Սալվե Ռեգինա» Միջնադարից մինչև Բարոկկո՝ երաժշտություն նվիրված Սուրբ Աստվածամորը: Համերգի սկիզբը՝ ժամը 19:00-ին, որին բացման ելույթով հանդես կգա Հայաստանում Եվրամիության պատվիրակության ղեկավար դեսպան Պյոտր Սվիտալսկին: 

Միջոցառումները կազմակերպվում են Հայաստանում Եվրոպական միության պատվիրակության կողմից Եվրոպական փառատոնների անդամ «Երեւանյան հեռանկարներ» միջազգային երաժշտական փառատոնի հետ համագործակցությամբ` կիսելու Եվրոպական մշակութային ժառանգության գնահատումը եւ ընդգծելու ընդհանուր եվրոպական տարածության պատկանելությունը:

Մուտքը հրավիրատոմսերով:

Լրագրողների համար ճեպազրույցի գրանցումը կսկսվի ժամը 18: 15-ին:

Լրագրողների համար նախատեսված  են հարմարավետ միկրոավտոբուսներ, հետևյալ ժամանակացույցով՝  

- հունիսի 15-ին, ժամը 17: 30, Բյուրականի գեղարվեստի ակադեմիա
- հունիսի 16-ին, ժամը 17: 30-ին, «Զվարթնոց տաճար» համալիր

Մեկնումը՝  Շահումյանի անվան հրապարակից

Ընդհանուր տեղեկություններ

2018 թվականը հայտարարվել է Եվրոպական մշակութային ժառանգության տարի,  որի ընթացքում Եվրոպական միությունը նշում է իր մշակութային ժառանգության բազմազանությունը Եվրոպայում` ԵՄ, ազգային, տարածաշրջանային եւ տեղական մակարդակներում: Մշակութային ժառանգության եվրոպական տարվա նպատակն է խրախուսել Եվրոպայի մշակութային ժառանգության առավել բացահայտումը և ամրապնդել  ընդհանուր եվրոպական տարածքի մասը լինելու  զգացումը: Տարվա կարգախոսն է. Մեր ժառանգությունը, որտեղ անցյալն ու ներկամ խաչվում են:

«Հարտուս Մուզիկուս Անսամբլը»՝ 45 տարի շարունակ ուսումնասիրել և իր ծրագրերի շրջանակներում հանրության ուշադրությանն է ներակայացրել 8-ից 21-րդ դարերի եվրոպական երաժշտությունը։  «Հորտուս Մուզիկուսի» ժամանակակից երաժշտության մեկնությունները կրում են այն նույն արժեքները, որոնք կարևորվում են ավելի վաղ ժամանակաշրջանի հավասարակշռված երաժշտության մեջ. դրան բնորոշ են ձևի պարզությունը և փոքր բաների մեջ ներդաշնակությունն ու գեղեցկությունը։

Խումբն իր ոճի մեջ Արևելյան Եվրոպայում ամենահինն է և արդեն հինգ տասնամյակ շարունակաբար գործող  եզակի համույթն է։

Լրատվամիջոցների հարցումների համար՝ Դավիթ Գրիգորյան՝ «Երևանյան հեռանկարներ» միջազգային երաժշտական փառատոնի մամուլի պատասխանատու, հեռ՝ 091589455