Komisioni Evropian miratoi sot Paketën e tij vjetore të Zgjerimit. Ai vlerësoi se ku ndodhen vendet e Ballkanit Perëndimor dhe Turqia lidhur me zbatimin e reformave kyçe politike dhe ekonomike, si dhe çfarë duhet bërë për të trajtuar sfidat që mbeten. Komisioni rekomandon, ndër të tjera, që Shtetet Anëtare të marrin në konsideratë hapjen e negociatave të anëtarësimit me Shqipërinë. Kjo, gjithsesi, varet krejtësisht nga progresi i besueshëm dhe i prekshëm i zbatimit të reformës në drejtësi, në veçanti nga rivlerësimi i gjyqtarëve dhe prokurorëve ("vetingu").