European Union External Action

ວິທີສະໝັກເຂົ້າຮ່ວມ ການຍື່ນປະມູນ ໂຄງການຂອງ EEAS

28/02/2017 - 08:33
Overview

ທ່ານສົນໃຈ ຍື່ນປະມູນໂຄງການໃດໂຄງການໜຶ່ງຂອງພວກເຮົາບໍ? ທ່ານສາມາດເບິ່ງວິທີສະໝັກຂໍເຂົ້າຮ່ວມການຢື່ນປະມູນໂຄງການ EEAS ໄດ້ຂ້າງລຸ່ມ.

ການ​ຍື່ນປະ​ມູນໂຄງການທີ່ມີ​ມູນຄ່າ​ຕ່ຳ ແລະ ປານ​ກາງ

ຖ້າ​ທ່ານສົນ​ໃຈ​ຍື່ນປະ​ມູນໂຄງການ​ທີ່ມີ​ມູນ​ຄ່າ​ຕ່ຳ ແລະ ປານ​ກາງ, ທ່ານ​ສາມາດ​ແຈ້ງ​ຄວາມ​ສົນ​ໃຈ​ຂອງ​ທ່ານ​ໂດຍການ​ສົ່ງ​ລາຍ​ລະ​ອຽດຂໍ້ມູນຂອງ​ທ່ານ  ຕາມລາຍລະອຽດດັ່ງລຸ່ມນີ້:

  • ຊື່ທຸ​ລະ​ກິດ,
  • ທີ່​ຢູ່​ທາງ​ໄປ​ສະ​ນີ,
  • ຊື່ບຸກ​ຄົນ​ທີ່ສາມາດ​ຕິດ​ຕໍ່ໄດ້,
  • ທີ່​ຢູ່​ອີ​ເມວ

ໄປ​ຍັງ​ທີ່​ຢູ່​ອີ​ເມວ ທີ່​ໄດ້​ລະ​ບຸ​ໄວ້​ໃນໂຄງການ​ປະ​ມູນ​ແຕ່​ລະ​ອັນ. ກະ​ລຸ​ນາ​ຂຽນ​ຫົວ​ຂໍ້ ຫຼື ຊື່ໂຄງ​ການ​ປະ​ມູນ ​ທີ່​ທ່ານ​ສົນ​ໃຈ​ ໃສ່​ໃນ​ບ່ອນ​ "ຫົວ​ຂໍ້" ຂອງ​ອີ​ເມວ​ຂອງ​ທ່ານ.

ເມື່ອຂະບວນການ ການລົງທະບຽນໄດ້ປິດລົງແລ້ວ (ການ​ສະ​ແດງ​ຄວາມ​ສົນ​ໃຈ), ຂໍ້ມູນຂອງທ່ານ​ຈະ​ຖືກ​ເພີ່ມ​ເຂົ້າ​ໃນ​ບັນ​ຊີ​ລາຍ​ຊື່​ຂອງ​ຜູ້​ປະ​ກອບ​ການ​ທາງ​ເສດ​ຖະ​ກິດ ພາຍຫຼັງຈາກນັ້ນ ທ່ານຈະໄດ້ຮັບການ​ເຊີນ​ເຂົ້າ​ຮ່ວມການປະ​ມູນ ​ພ້ອມ​ກັບ​ຂໍ້​ມູນ​ກ່ຽວ​ກັບ​ວິ​ທີການຍື່ນປະ​ມູນ.

ການ​ປະ​ມູນ​ໃນ​ມູນ​ຄ່າ​ສູງ

ຖ້າ​ທ່ານ​ສົນ​ໃຈຍື່ນປະ​ມູນໂຄງການ​ທີ່ມີ​ມູນ​ຄ່າ​ສູງ​, ກະ​ລຸ​ນາ​​ຕິດຕາມ ​ວາ​ລະ​ສານ​ທາງ​ການ​ຂອງ​ສະ​ຫະ​ພາບ​ເອີ​ຣົບ ເຊິ່ງ​ແມ່ນ​ບ່ອນ​ທີ່ ແຈ້ງ​ການ ການປະມູນຖືກເຜີຍແຜ່. ສຳລັບຂໍ້​ມູນ​ກ່ຽວ​ກັບ​ວິ​ທີເຂົ້າຮ່ວມການ​ປະ​ມູນ ​ແມ່ນ​ຈະເຜີຍ​ແຜ່​ຢູ່​ໃນ​ແຈ້ງການ ເມື່ອມີການເປີດປະມູນໂຄງການ. 

ທ່ານ​ສາມາດ​ສຶກສາ​ຂໍ້​ມູນ​ສຳ​ຄັນ​ກ່ຽວ​ກັບ​ໝວດໝູ່​ຂອງ​ສັນ​ຍາ ເຊິ່ງຂຶ້ນ​ກັບ​ມູນ​ຄ່າ​ສັນ​ຍາ​ທີ່​ປະເມີນໄວ້​

ກະຊວງການຕ່າງປະເທດແຫ່ງສະຫະພາບເອີຣົບ (EEAS) ລວມ​ທັງຄະ​ນະ​ຜູ້​ແທນ​ຂອງສະ​ຫະ​ພາບ​ເອີ​ຣົບ (EU Delegations) ແມ່ນ​ຕ້ອງ​ໄດ້​ປະ​ຕິ​ບັດ​ຕາມ​ຂໍ້​ກຳ​ນົດ​ຂອງ​ກົດ​ລະ​ບຽບ​ດ້ານ​ການ​ເງິນ​ທີ່​ນຳ​ໃຊ້​ກັບ​ພາກ​ງົບ​ປະ​ມານ​ທົ່ວ​ໄປ​ຂອງ EU, ກົດ​ລະ​ບຽບ​ການ​ສະໝັັັກ​ ແລະ ວິທີການຂອງ EU ທີ່ກ່ຽວ​ຂ້ອງ​ກັບ​ການ​ປະ​ສານ​ຂັ້ນ​ຕອນ​ດຳ​ເນີນ​ການ​ສຳ​ລັບ​ ການແຈ້ງຜົນຂອງໂຄງການປະມູນ.

ສັນ​ຍາ​ສຳ​ລັບ​ການ​ຊື້​ສິນ​ຄ້າ, ບໍ​ລິ​ການ ແລະ ວຽກ​ ທີ່ມີມູນຄ່າເກີນ EUR 1.000 ແມ່ນ​ຕ້ອງ​ໄດ້​ມີການເປີດປະ​ມູນ. ໝວດ​ໝູ່ສັນ​ຍາ​ແມ່ນ​ໄດ້​ຈັດຕາມມູນ​ຄ່າ​ສັນ​ຍາ​ທີ່​ໄດ້​ປະ​ເມີນ​ໄວ້​, ເຊິ່ງມີລາຍລະອຽດດັ່ງຕໍ່ໄປ​ນີ້​:

  • ສັນ​ຍາ​ມູນ​ຄ່າ​ຕ່ຳ​ຫລາຍ: ສັນ​ຍາວຽກ, ບໍ​ລິ​ການ ແລະ ວັດຖຸອຸ​ປະ​ກອນ​ຮັບໃຊ້ ທີ່ຢູ່​ລະ​ຫວ່າງ EUR 1.000 ຫາ EUR 15.000;
  • ສັນ​ຍາ​ມູນ​ຄ່າ​ຕ່ຳ: ສັນ​ຍາວຽກ, ບໍ​ລິ​ການ ແລະ ວັດຖຸອຸ​ປະ​ກອນ​ຮັບໃຊ້ ທີ່ຢູ່​ລະ​ຫວ່າງ EUR 15.000 ຫາ EUR 60.000;
  • ສັນ​ຍາ​ມູນ​ຄ່າ​ລະ​ດັບ​ປານ​ກາງ: ​ສັນ​ຍາ​ບໍ​ລິ​ການ, ວັດຖຸອຸ​ປະ​ກອນ​ຮັບໃຊ້ ແລະ ວຽກ ຫຼາຍກວ່າ EUR 60.000 ແລະ ຕ່ຳ​ກວ່າ EUR 144.000 ສໍາ​ລັບ​ການ​ບໍ​ລິ​ການ ແລະ ວັດຖຸອຸ​ປະ​ກອນ​ຮັບໃຊ້ ຫຼື ຕ່ຳ​ກວ່າ EUR 5.548.000 ສໍາ​ລັບ​ວຽກ;
  • ສັນ​ຍາ​ມູນ​ຄ່າສູງ: ສັນ​ຍາບໍ​ລິ​ການ ແລະ ວັດຖຸອຸ​ປະ​ກອນ​ຮັບໃຊ້ ຕັ້ງ​ແຕ່ EUR 144.000 ແລະ ສັນ​ຍາ​ວຽກ​ຕັ້ງ​ແຕ່ EUR 5.548.000 ຂຶ້ນ​ໄປ.

ການ​ຮຽກ​ເຊີນ​ເຂົ້າຮ່ວມການ​ປະ​ມູນ​ໃນ ​ມູນ​ຄ່າຕ່ຳ ແລະ ລະ​ດັບ​ປານ​ກາງ​ ແມ່ນ​ຕ້ອງ​ໄດ້ເຮັດ​ຕາມ​ການ​ປະ​ກາດແຈ້ງມາ​ ​ໃນ​ເວັບ​ໄຊ​ທ໌ຂອງ EEAS ຫຼື EU Delegations ຢູ່​ໃນໜ້າ ການ​ປະ​ມູນ. ກະ​ລຸ​ນາ​ຈື່​ໄວ້​ວ່າ ມີ​ພຽງ​ແຕ່​ເອ​ກະ​ສານ​ປະ​ມູນ​ທີ່​ໄດ້​ຮັບ​ໂດຍ​ຜູ້​ປະ​ກອບ​ການ​ທາງ​ເສດ​ຖະ​ກິດທີ່​ໄດ້​ຮັບ​ການ​ເຊີນ​ເຂົ້າ​ຮ່ວມ​ການ​ປະ​ມູນ​ຈາກ​ທາງ EEAS ຫຼື EU Delegation (ບັນ​ດາ​ຜູ້​ທີ່​ໄດ້​ຮັບ​ການ​ເຊີນ​ໃຫ້​ເຂົ້າ​ຮ່ວມ​ການ​ປະ​ມູນ​ໂດຍ​ທາງ​ອີ​ເມວ, ໄປ​ສະ​ນີ ຫຼື ໂດຍ​ມີ​ຜູ້​ຈັດສົ່ງ​ໃຫ້) ເທົ່າ​​ນັ້ນ​ທີ່​ຈະ​ໄດ້​ຮັບ​ການ​ປະ​ເມີນ.

ການ​ຮຽກ​ເຊີນ​ເຂົ້າ​ປະ​ມູນ​ໃນ​ມູນ​ຄ່າ​ສູງ​ແມ່ນ​ຕ້ອງ​ໄດ້​ແຈ້ງ​ການ​ຢູ່​ໃນ​ວາ​ລະ​ສານ​ທາງ​ການ​ຂອງ​ສະ​ຫະ​ພາບ​ເອີ​ຣົບ (Official Journal of the European Union). ສຳລັບຂໍ້​ມູນ​ກ່ຽວ​ກັບ​ວິ​ທີເຂົ້າຮ່ວມການ​ປະ​ມູນ ​ແມ່ນ​ຈະເຜີຍ​ແຜ່​ຢູ່​ໃນ​ແຈ້ງການ ເມື່ອມີການເປີດປະມູນໂຄງການ.

Editorial Sections: