St Pierre and Miquelon

Беларусь: заява Высокага прадстаўніка адносна патрабаванняў скараціць дыпламатычную прысутнасць некаторых дзяржаў-членаў

Brussels, 04/10/2020 - 12:52, UNIQUE ID: 201004_2
Statements by the HR/VP

Патрабаванне беларускіх уладаў да Польшчы і Літвы адклікаць сваіх паслоў і значна скараціць свае дыпламатычныя прадстаўніцтвы ў Мінску беспадстаўнае і вартае жалю. Яно ідзе насуперак логіцы дыялогу і прывядзе толькі да далейшай ізаляцыі ўладаў у Мінску.

Спробы беларускіх уладаў зрабіць сваёй мішэнню пэўныя дзяржавы-члены ЕС не прывядуць да аслаблення адзінства ЕС, што было выразна пацверджана Еўрапейскім саветам 1 кастрычніка, калі ўсе дзяржавы-члены ЕС заклікалі беларускія ўлады спыніць гвалт і рэпрэсіі, вызваліць усіх затрыманых і палітычных зняволеных, забяспечыць павагу свабоды СМІ і грамадзянскай супольнасці і пачаць інклюзіўны нацыянальны дыялог.

ЕС працягвае падтрымліваць дэмакратычнае права беларускага народа абраць свайго прэзідэнта праз новыя, свабодныя і справядлівыя выбары, без вонкавага ўмяшальніцтва.