Yevropa Ittifoqining O‘zbekistondagi Delegatsiyasi hamda O‘zbekistondagi Erasmus+ Milliy ofisi hamkorligida Erasmus+ dasturi ishtirokchilari uchun ilk marotaba maxsus tanishuv va tarmoq qurish tadbiri tashkil etildi. Tadbir Yevropa Ittifoqining O‘zbekistondagi Elchisi Janobi Oliylari Toyvo Klaarning qarorgohida bo‘lib o‘tdi.

Ushbu marosimda Erasmus Mundus magistratura dasturi, xalqaro kredit mobilligi (ICM), Jean Monnet va oliy taʼlim sohasida salohiyatni oshirish (CBHE) loyihalari ishtirokchilari hamda O‘zbekiston bo‘ylab turli oliy ta’lim muassasalari vakillari ishtirok etdi. Ularni yuqori ta’limdagi xalqaro hamkorlikni mustahkamlashga bo‘lgan umumiy maqsad birlashtirdi.

Ushbu kecha Erasmus+ hamjamiyati uchun quyidagi imkoniyatlarni taqdim etdi:

• Yangi, foydali aloqalarni o‘rnatish,
• O‘zbekistonning istiqbolli avlodining yutuqlarini nishonlash,
• Bitiruvchilar, amaldagi ishtirokchilar va oliy ta’lim vakillari o‘rtasida ochiq muloqotni rivojlantirish.

O‘zbekistonda ilk bor o‘tkazilgan bu tadbir Erasmus+ dasturining akademik ustunlik, xalqaro mobil va madaniyatlararo tushunishni rivojlantirishdagi o‘sib borayotgan rolini yaqqol namoyon etdi. Tadbir Yevropa Ittifoqi va O‘zbekiston o‘rtasidagi ta’lim sohasidagi mustahkam hamkorlikni yana bir bor tasdiqladi.