Delegation of the European Union to the Holy See,
Order of Malta, UN Organisations in Rome
and to the Republic of San Marino

Високиот претставник/потпретседател Жозеп Борел се сретна со премиерот Зоран Заев

Брисел , 22/10/2020 - 14:58, UNIQUE ID: 201022_11
Press releases

Денеска во Брисел, високиот претставник/потпретседател Жозеп Борел имаше видео средба со премиерот на Северна Македонија Зоран Заев.

Високиот претставник Борел му честита на премиерот Заев за повторниот избор и ја охрабри Владата на Северна Македонија да продолжи да ја исполнува ЕУ-реформската агенда.

Тој повтори дека ЕУ останува посветена на тоа да ја поддржи Северна Македонија во нејзиниот одговор на пандемијата со коронавирусот и на последиците од неа. Европската комисија неодамна најави голем економско- инвестициски план за поддршка на долгорочното закрепнување на Западен Балкан и на приближувањето на регионот до ЕУ.

Високиот претставник Борел го поздрави фактот што нивото на усогласеност на Северна Македонија со надворешнополитичките ставови на ЕУ се зголеми во последните години и и’ се заблагодари на земјата за нејзиниот придонес во мисиите и операциите на заедничката безбедносна и одбранбена политика на ЕУ.

Високиот претставник и премиерот Заев разговараа и за регионални прашања.