Имрӯз Иттиҳоди Аврупо ва Ҷумҳурии Тоҷикистон Созишномаи шарикӣ ва ҳамкории густурдаро (EPCA) парафгузорӣ намуданд, ки ин як қадами муҳиме дар амиқтар гардонидани муносибатҳои дуҷониба ва таҳкими ҳамкориҳои дарозмуддат мебошад.

Созишнома EPCA чаҳорчӯби муосир ва пурғайрат барои муносибатҳои Иттиҳоди Аврупо ва Тоҷикистон буда, арзишҳо ва манфиатҳои муштаракро дар соҳаҳо, аз қабили муколамаи сиёсӣ, волоияти қонун, тиҷорат, рушди устувор, пайвастшавӣ, табдили рақамӣ, амалиёти иқлим ва амният инъикос мекунад.

European Union, 2025

Пас аз имзошавӣ, созишномаи нав дар ба ҷои Созишномаи шарикӣ ва ҳамкорӣ (PCA), ки аз соли 2010 амал мекунад, ба роҳ монда мешавад; ҳадафи он фароҳам овардани заминаи муосири ҳуқуқӣ мебошад, ки роҳи ислоҳоти Тоҷикистонро дастгирӣ мекунад ва ба афзалиятҳои стратегии Иттиҳоди Аврупо дар Осиёи Марказӣ, ки дар Стратегияи Иттиҳоди Аврупо барои Осиёи Марказӣ аз соли 2019 пешбинӣ шудааст, мувофиқат мекунад.

Самтҳои асосии ҳамкориҳои густурда соҳаҳои зеринро дар бар мегиранд:

• Идоракунии муассир, ислоҳоти судӣ ва ҳуқуқи инсон;

• Рушди устувори иқтисодӣ ва ҳамгироии тиҷорати минтақавӣ;

• Самаранокии энергетикӣ ва гузариш ба иқтисоди "сабз";

• Сиёсати рақамӣ, идоракунии электронӣ ва навоварӣ (инноватсия);

• Маориф, рушди малакаҳо ва ҳаракати ҷавонон;

• Пайвастшавӣ ва инфрасохтор мутобиқи стратегияи Иттиҳоди Аврупо "Global Gateway";

• Ҳамкорӣ дар самти суботи минтақа, идоракунии сарҳад ва амният.

Музокирот оид ба Созишномаи EPСA моҳи феврали соли 2023 оғоз ёфт. Парафгузории матн анҷоми бомуваффақияти гуфтушунидҳоро исбот намуда, роҳро барои имзои расмӣ ва тасдиқи он аз ҳарду ҷониб дар ояндаи наздик боз мекунад.