Глобален портал е европска стратегија за зајакнување на паметните, чисти и безбедни врски во секторите дигитализација, енергетика и транспорт, како и за засилување на здравствените, образовните и истражувачките системи ширум светот. Преку пристапот „Тим Европа“, Глобалниот портал ги здружува ЕУ, нејзините земји-членки и нивните финансиски и развојни институции во поттикнувањето на приватниот сектор да ги зголеми инвестициите кои промовираат одржлив развој.
Во периодот 2021-2027, Тимот Европа издвојува 300 милијарди евра за инвестиции во одржливи, трансформативни и висококвалитетни проекти ширум светот, кои ги земаат предвид потребите на земјите-партнери и осигуруваат трајни придобивки за локалните заедници. Ова на партнерите на ЕУ им овозможува да создадат отпорни и одржливи општества и економии, а за приватниот сектор на земјите-членки на ЕУ отвора можности да вложува и да остане конкурентен, осигурувајќи највисоки еколошки и работни стандарди, како и здраво финансиски управување.
Повеќе за Глобалниот портал
https://global-gateway-forum.ec.europa.eu/index_en
Глобалниот портал во Северна Македонија
Во рамки на Глобалниот портал, ЕУ идентификува инвестиции во одржлив транспорт, чиста енергија, животна средина и клима, дигитална иднина, човечки капитал и во приватниот сектор. Целта на овие инвестиции е да поддржат зелена и дигитална транзиција и да го приближат регионот до Единствениот пазар на ЕУ.
За проекти во Северна Македонија, од 2020 година наваму, ЕУ веќе поттикна инвестиции од висина од 1,8 милијарди евра, благодарение на ЕУ-грантови во вредност од 638 милиони евра. Средствата се обезбедени преку механизми како што е Инвестициската рамка за Западен Балкан (ВБИФ).
Проектите вклучуваат:
• Завршување на обновата на железничката линија Бељаковце-Крива Паланка, долга 34 километри, која е дел од Коридорот 8 и ќе им обезбеди пристап до модерен транспорт на повеќе од 350.000 лица.
• Зголемување на капацитетот на Паркот на ветерници – Богданци за 15 мегавати, со што ќе обезбедува чиста енергија за 22.000 домаќинства и ќе одбегне емисија на 153.600 тони јаглерод диоксид годишно.
• Изградба на пречистителна станица за отпадни води во Скопје, која се очекува да опслужува 528.900 граѓани и да го намали загадувањето на реката Вардар.
https://www.wbif.eu/beneficiaries/north-macedonia
https://www.youtube.com/watch?v=Bgo5mLif8vU
Водечки проекти на Глобалниот портал во регионот на Западен Балкан и Турција
https://neighbourhood-enlargement.ec.europa.eu/document/download/367a31ec-7d8c-45c6-b087-8aa86d14332f_en
