ဥရောပသမဂ္ဂ မြန်မာနိုင်ငံဆိုင်ရာသံရုံး

နိုင်ငံတကာ လိင်တူချစ်သူများအပေါ် မုန်းတီးမှုများ၊ လိင်ပြောင်းထားသူများအပေါ် မုန်းတီးမှုများနှင့် လိင်တူလိင်ကွဲနှစ်မျိုးစလုံးချစ်သူများအပေါ် မုန်းတီးမှုများကို ဆန့်ကျင်တိုက်ဖျက်ရေးနေ့ (မေလ ၁၇ရက်) နှင့်ပတ်သက်၍ မြန်မာနိုင်ငံဆိုင်ရာ ဥရောပသမဂ္ဂ၏ ထုတ်ပြန်ချက်

Yangon, 17/05/2018 - 00:00, UNIQUE ID: 180517_2
Local Statements

အထူးသဖြင့် LGBTI ပုဂ္ဂိုလ်များသည် ၎င်းတို့နေထိုင်သည့် လူ့အဖွဲ့ အစည်းတွင် မကြာခဏ ဘေးဖယ်ခံထားကြရခြင်း၊ မိသားစုကပေးသော ဖိအားများကို ရင်ဆိုင်နေကြရခြင်း၊ လုပ်ငန်းခွင်နှင့် ကျန်းမာရေးစောင့်ရှောက်မှု ကဏ္ဍများတွင် ခွဲခြားဆက်ဆံခံရခြင်းတို့ ကြုံတွေ့နေကြရပါသည်။ ဥရောပသမဂ္ဂနှင့် အဖွဲ့ဝင်နိုင်ငံများသည် လူတစ်ဦးချင်းစီ၏ လိင်ပိုင်းဆိုင်ရာရွေးချယ်မှု သို့မဟုတ် ကျား/မခွဲခြားသတ်မှတ်မှုတို့ မည်သို့ပင် ရှိစေကာမူ ၎င်းတို့၏ အခွင့်အရေးနှင့် ဂုဏ်သိက္ခာ ရှုထောင့်အရ တန်းတူညီမျှခြင်း အခြေခံမူများကို ကမ္ဘာ့လူ့အခွင့်အရေးကြေညာစာတမ်းတွင် ဖော်ပြထားသည့်အတိုင်း အလေးထားရမည်ဖြစ်ကြောင်း မှတ်ယူ ယုံကြည်ပါသည်။

မြန်မာနိုင်ငံဆိုင်ရာ ဥရောပသမဂ္ဂကိုယ်စားလှယ်အဖွဲ့နှင့် ဥရောပသမဂ္ဂအဖွဲ့ဝင်နိုင်ငံများ၏
မြန်မာနိုင်ငံဆိုင်ရာ သံရုံးအကြီးအကဲများသည် အောက်ပါအကြောင်းအရာတို့ကို
ထုတ်ပြန်အပ်ပါသည်။

လွန်ခဲ့သည့်နှစ်များက သိသာထင်ရှားသည့် တိုးတက်မှုများ ရှိခဲ့သော်လည်း အမျိုးသမီးချင်း လိင်တူ ချစ်တူများ၊ အမျိုးသားချင်း လိင်တူချစ်သူများ၊ လိင်တူလိင်ကွဲနှစ်မျိုးစလုံး ချစ်သူများ၊ လိင်ပြောင်း ထားသူများ၊ လိင်ကွဲပြားခြင်း ရေရာမှုမရှိသူများ (LGBTI) အနေဖြင့် အကြမ်းဖက်ခံရမှုများ၊ ခွဲခြား ဆက်ဆံခံရမှုများနှင့် အခြေခံအခွင့်အရေး ချိုးဖောက်ခံရမှုများကို ကမ္ဘာတစ်လွှားတွင် ဆက်လက် ကြုံတွေ့နေရဆဲ ဖြစ်ပါသည်။ အထူးသဖြင့် LGBTI ပုဂ္ဂိုလ်များသည် ၎င်းတို့နေထိုင်သည့် လူ့အဖွဲ့ အစည်းတွင် မကြာခဏ ဘေးဖယ်ခံထားကြရခြင်း၊ မိသားစုကပေးသော ဖိအားများကို ရင်ဆိုင်နေကြရခြင်း၊ လုပ်ငန်းခွင်နှင့် ကျန်းမာရေးစောင့်ရှောက်မှု ကဏ္ဍများတွင် ခွဲခြားဆက်ဆံခံရခြင်းတို့ ကြုံတွေ့နေကြရပါသည်။ နိုင်ငံပေါင်း ၇၀ ကျော်တွင် လိင်တူချင်း ပေါင်းသင်းနေထိုင်ခြင်းသည် ထောင်ဒဏ် သို့မဟုတ် သေဒဏ်အထိ ချမှတ်ခံရနိုင်သည့် ရာဇဝတ်မှု သို့မဟုတ် ပြစ်မှုတစ်ရပ်အဖြစ် တည်ရှိနေပါသည်။

ဥရောပသမဂ္ဂနှင့် အဖွဲ့ဝင်နိုင်ငံများသည် လူတစ်ဦးချင်းစီ၏ လိင်ပိုင်းဆိုင်ရာရွေးချယ်မှု သို့မဟုတ် ကျား/မခွဲခြားသတ်မှတ်မှုတို့ မည်သို့ပင် ရှိစေကာမူ ၎င်းတို့၏ အခွင့်အရေးနှင့် ဂုဏ်သိက္ခာ ရှုထောင့်အရ တန်းတူညီမျှခြင်း အခြေခံမူများကို ကမ္ဘာ့လူ့အခွင့်အရေးကြေညာစာတမ်းတွင် ဖော်ပြထားသည့်အတိုင်း အလေးထားရမည်ဖြစ်ကြောင်း မှတ်ယူ ယုံကြည်ပါသည်။ သို့ဖြစ်၍ ဥရောပသမဂ္ဂနှင့် အဖွဲ့ဝင်နိုင်ငံများသည် ကမ္ဘာတစ်လွှားရှိ LGBTI ပုဂ္ဂိုလ်များအပေါ် ခွဲခြားဆက်ဆံမှုနှင့် အကြမ်းဖက်မှု ပုံစံအမျိုးမျိုးတို့ကို ရှုတ်ချရမည်ဟု မှတ်ယူပါသည်။

ပြည်ထောင်စုသမ္မတမြန်မာနိုင်ငံဆိုင်ရာ ဥရောပသမဂ္ဂကိုယ်စားလှယ်အဖွဲ့နှင့် အဖွဲ့ဝင်နိုင်ငံအသီးသီး၏ သံရုံးများသည် LGBTI ပုဂ္ဂိုလ်များနှင့်ပတ်သက်၍ လွန်ခဲ့သည့်နှစ်အနည်းငယ်ကစပြီး မြန်မာနိုင်ငံတွင် ဖြစ်ထွန်းလာသည့် လေးနက်သော ပြောင်းလဲမှုများကို ကြိုဆိုပါသည်။ ၂၀၁၆ ခုနှစ်တွင် ဒီမိုကရေစီနည်းကျစွာ ရွေးချယ်တင်မြှောက်ခံခဲ့ရသော အစိုးရတစ်ရပ် စတင်တာဝန်ယူသည့်အချိန်မှစ၍ LGBTI အခွင့်အရေးများအတွက် ဆောင်ရွက်နေကြသည့် အရပ်ဘက်လူမှုအဖွဲ့အစည်းများသည် ၎င်းတို့၏ သဘောထားများကို တင်ပြခွင့် ရရှိခဲ့ကြပြီး ပြည်သူ့ရေးရာမူဝါဒများ ဖွံ့ဖြိုးရေးတွင် စတင်ပါဝင် ဆောင်ရွက်နေကြပါသည်။

လိင်တူချင်း ပေါင်းသင်းခြင်းအတွက် ထောင်ဒဏ် ၁၀ နှစ်အထိ ချမှတ်နိုင်သော ပြစ်မှုဆိုင်ရာဥပဒေပုဒ်မ ၃၇၇ ကို ထိရောက်စွာလက်တွေ့ကျင့်သုံးမှု မရှိခြင်းအပေါ် ဥရောပသမဂ္ဂနှင့် အဖွဲ့ဝင်နိုင်ငံများသည် များစွာကျေနပ်မိပါသည်။ ကျွန်ုပ်တို့သည် ပြည်ထောင်စုသမ္မတမြန်မာနိုင်ငံအစိုးရအဖွဲ့အား (၁) လွန်ခဲ့သည့် နှစ်များက မြန်မာ့လူမှုအသိုင်းအဝိုင်းတွင် ဖြစ်ထွန်းခဲ့သည့် ပြောင်းလဲမှုများကို ထင်ဟပ်ခြင်း မရှိဘဲ အတိတ် ကာလနှင့်သာသက်ဆိုင်သည့် ၎င်းဥပဒေပုဒ်မကို ဖျက်သိမ်းပေးပါရန် (၂) လိင်တူချစ်သူများနှင့် လိင်ပြောင်းထား သူများအပေါ် မုန်းတီးမှုများကြောင့် ဖြစ်ပေါ်လာသည့် အကြမ်းဖက်မှုများ ရပ်တန့်ရန် တရားဥပဒေအရ အကာအကွယ်ပေးခြင်း၊ လိင်ပိုင်းဆိုင်ရာရွေးချယ်မှု့ သို့မဟုတ် လိင်ကွဲပြားမှုအပေါ် အခြေခံသော ခွဲခြားဆက်ဆံမှုများကို တားမြစ်ပေးခြင်း၊ ခွဲခြားဆက်ဆံခံရသူများအတွက် တရားဥပဒေအတိုင်း ဖြစ်စေခြင်းနှင့် နစ်နာမှုများဖြေရှင်းပေးခြင်းကို လက်လှမ်းမီစေရန် ပံ့ပိုးပေးခြင်းတို့ကို စဉ်းစားပေးပါရန် အလေးထား တိုက်တွန်းအပ်ပါသည်။

၎င်းအကြောင်းအရာသည် အများစုအတွက် ထိလွယ်ရှလွယ်သည့်ကိစ္စအဖြစ် ရှိနေသေးကြောင်း ကျွန်ုပ်တို့ ကောင်းစွာ နားလည်ပါသည်။ သို့သော်လည်း အခြေခံ အခွင့်အရေးများနှင့် လူ့ဂုဏ်သိက္ခာတို့နှင့်ပတ်သက်၍ ၎င်းတို့ကို ထုတ်ဖော်ပြောဆိုဆွေးနွေးရန် လိုအပ်နေပါသည်။ သို့ဖြစ်၍ နိုင်ငံတကာ လိင်တူချစ်သူများအပေါ် မုန်းတီးမှုများ၊ လိင်ပြောင်းထားသူများအပေါ် မုန်းတီးမှုများနှင့် လိင်တူလိင်ကွဲနှစ်မျိုးစလုံးချစ်သူများအပေါ် မုန်းတီးမှုများကို ဆန့်ကျင်တိုက်ဖျက်ရေးနေ့ အထိမ်းအမှတ်အဖြစ် ဥရောပသမဂ္ဂနှင့် အဖွဲ့ဝင်နိုင်ငံများ ကိုယ်စား ပြည်ထောင်စုသမ္မတမြန်မာနိုင်ငံဆိုင်ရာ ပြင်သစ်သံရုံးသည် “Beats Per Minute” (BPM) အမည်ရ ရုပ်ရှင်ဇာတ်ကားကို ၂၀၁၈ ခုနှစ်၊ မေလ ၁၆ ရက်နေ့တွင် ပြင်သစ်ယဉ်ကျေးမှုဌာန၌ ပြသသွားမည် ဖြစ်ပါသည်။ ၎င်းဇာတ်ကားတွင် ၁၉၉၀ ပြည့်လွန်ဦးပိုင်းကာလ၊ ပြင်သစ်နိုင်ငံရှိ LGBTI ပုဂ္ဂိုလ်များ ကြုံတွေ့ခဲ့ရသည့် အတုံ့အနှေးများ၊ တားမြစ်ပိတ်ပင်မှုများနှင့် ခွဲခြားဆက်ဆံခံရမှုများကို ဆန့်ကျင်တိုက်ပွဲ ဝင်ခဲ့ကြသည့်အကြောင်း ရိုက်ကူးတင်ဆက်ထားပါသည်။ ဇာတ်ကားပြသပြီးနောက် စကားရည်လုပွဲ တစ်ရပ်ကိုလည်း စီစဉ်ထားရှိပါသည်။ မေလ ၁၇ ရက်နေ့တွင် မြန်မာပလာဇာ၌ Colors Rainbow ၊ Kings N Queens နှင့် &PROUD တို့က အများပြည်သူလူထုအတွက်ကျင်းပမည့် မိသားစုပုံစံကိုအခြေခံသည့် ပွဲအစီအစဉ်တစ်ရပ်ကိုလည်း ပြင်သစ်သံရုံးက ကူညီပံ့ပိုးပေးသွားမည် ဖြစ်ပါသည်။

Languages:
Editorial Sections:

Author