• Current language: en

Delegation of the European Union to Laos

ຄົບ​ຮອບ 60 ປີ ສົນ​ທິ​ສັນ​ຍາໂຣມ

ວັນ​ທີ 25 ມີ​ນາ ໃກ້​ຈະ​ມາ​ເຖິງ​ນີ້, ສະ​ຫະ​ພາບ​ເອີ​ຣົບ​ໄດ້​ສະ​ເຫຼີມ​ສະ​ຫຼອງ ວັນ​ຄົບ​ຮອບ 60 ປີ ຂອງ​ການ​ເຊັນ​ສົນ​ທິ​ສັນ​ຍາ​ໂຣມ, ເຊິ່ງນັ້ນ​ເປັນ​ບາດ​ກ້າວ​ທຳ​ອິດ​ໃນ​ການ​ເປັນ​ອັນ​ໜື່ງ​ອັນ​ດຽວ​ຂອງ​ເອີ​ຣົບ. ຕັ້ງ​ແຕ່​ການ​ກຳ​ເນີດ​ເກີດ​ຂີື້ນ​ຂອງ​ຄະ​ນະ​ກຳ​ມະ​ທິ​ການ​ເອີ​ຣົບ​ໃນ​ປີ 1957, ປະ​ຊາ​ຊົນ​ຂອງ​ບັນ​ດາ​ປະ​ເທດ​ສະ​ມາ​ຊິກ ສະ​ຫະ​ພາບ​ເອີ​ຣົບ ມີ​ການ​ດຳ​ລົງ​ຊິ​ວິດ​ທີ່​ດີ​ຕະ​ຫຼອດ​ໄລ​ຍະ​ເວ​ລາ ຫົກ​ທົດ​ສະ​ຫັວດ​ຂອງ​ການ​ມີ​ສັນ​ຕິ​ພາບ​ຄວາມ​ອຸ​ດົມ​ຮັ່ງ​ມີ ແລະ ຄວາມ​ໝັ້ນ​ຄົງ​ໃນ​ພາກ​ພີື້ນ​ສະ​ຫະ​ພາບ ເອີ​ຮົບ. ແນວ​ໃດ​ກໍ່​ຕາມ, ເຫດ​ການ​ທີ່​ເກິດ​ຂື້ນ​ໃນ​ຊ່ວງ ສະ​ຕະ​ວັດ ທີ່ 20 ກ່​ຄື​ສົງ​ຄາມ​ໂລກ​ຄັ້ງ​ທີ1 ແລະ 2 ໄດ້​ເຮັດ​ໃຫ້​ຄົນ​ຕາຍ​ເປັນ​ຈຳ​ນວນ​ຫຼວງ​ຫລາຍ ແລະ ເຫດ​ການ​ດັ່ງ​ກ່າວ​ໄດ້​ເຮັດ​ໃຫ້​ມີ​ການ​ແບ່ງ​ແຍກ​ຂອງ​ບັນ​ດາ​ປະ​ເທດ​ເອີ​ຣົບ ທີ​ຢູ່​ໃນ​ພາ​ວະ​ສົງ​ຄາມ​ເປັນ​ເວ​ລາ​ຫລາຍ​ປີ, ສະ​ຫະ​ພາບ​ເອີ​ຣົບ ແມ່ນ​ໜຶ່ງ​ຄວາມ​ສຳ​ເລັດ ທີ່​ເຮັດ​ໃຫ້​ບັນ​ດາ​ປະ​ເທດ​ເຫຼົ່າ​ນັ້ນ​ເກີດ​ມີ​ສັນ​ຕິ​ພາບ.

ໂລກ​ໄດ້​ຜ່ານ​ຊ່ວງ​ເວ​ລາ​ອັນ​ບໍ່​ແນ່ນອນ​ເຊັ່ນ: ການ​ປ່ຽນ​ແປງ​ອຳ​ນາດ​ຂອງ​ບັນ​ດາ​ປະ​ເທດ​ມະ​ຫາ​ອຳ​ນາດ ແລະ   ກົ​ດ​ພື້ນ​ຖານ​ຂອງ​ບັນ​ດາ​ອົງ​ການ​ຈັດ​ຕັ້ງ​ສາ​ກົນ ຍັງ​ມີ​ຄວາມ​ບໍ່ແນ່ນອນ. ສະ​ຫະ​ພາບ​ເອີ​ຣົບ​ໄດ້​ເພີ່ມ ອຳ​ນາດ​ເພື່ອ​ຮັກ​ສາ ແລະ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ໂລກ.

ໃນ​ສະ​ພາບ​ແວດ​ລ້ອມ​ທີ່​ທົ່ວ​ໂລກ ຂາດ​ຄວາມ​ເຂັ້ມ​ແຂງ, ສະ​ຫະ​ພາບ​ເອີ​ຣົບ​ໄດ້​ຮຽກ​ຮ້ອງ​ການ​ຮ່ວມ​ມື​ຫລາຍ​ຂື້​ນ. ເຊີ່ງນີ້​ເປັນ​ເຫດ​ຜົນ​ທີ່​ສະ​ຫະ​ພາບ​ເອີ​ຮົບ ສືບ​ຕໍ່​ຮ່ວມ​ມື​ກັບ ສະ​ຫະ​ປະ​ຊາ​ຊາດ ເຊັ່ນ: ການ​ຮ່ວມ​ມື​ ເພື່ອ​ສັນ​ຕິ​ພາບ, ຄວາມ​ພະ​ຍາ​ຍາມ​ທາງ​ດ້ານ​ການ​ທູດ, ສິດ​ທິ​ມະ​ນຸດ, ຕໍ່​ສູ້​ກັບ​ໄພ​ອຶດ​ຫິວ ແລະ ຕໍ່​ຕ້ານ​ການກໍ່​ການ​ຮ້າຍ. ນອກນັ້ນ, ສະ​ຫະ​ພາບ​ເອີ​ຣົບ​ຍັງ​ເປັນ​ຄູ່​ຮ່ວມ​ມື​ທີ່​ເຂັ້ມ​ແຂງ ໃຫ້​ແກ່ ອາ​ຊຽນ (ASEAN) ແລະ ບັນ​ດາ​ສະ​ມາ​ຊິກ​ອາ​ຊຽນ.

ປີ2017 ບໍ່​ພຽງ​ແຕ່​ ຄົບ​ຮອບ 60 ປີ ຂອງ​ສົນ​ທິ​ສັນ​ຍາ​ໂຣມ​ເທົ່າ​ນັ້​ນ ແຕ່​ຍັງ​ເປັນ​ປີ​ທີ 40 ຂອງ​ການ​ຮ່ວມ​ມື ອາ​ຊຽນ-ເອີ​ຣົບ ແລະ ປີ​ທີ 20 ຂອງ​ການ​ຮ່ວມ​ມື ລະ​ຫວ່າງ ສປ​ປ ລ​າວ ແລະ ສະ​ຫະ​ພາບ​ເອີ​ຣົບ. ສະ​ຫະ​ພາບ​ເອີ​ຣົບ ແລະ ສ ​ປ ​ປ ລາວ ໄດ້​ເສີມ​ຂະ​ຫຍາຍ​ຄວາມ​ຮ່ວມ​ມື​ຢ່າງ​ເລີກ​ເຊີ່ງ​ ນັບ​ແຕ່​ທັງ​ສອງ​ຝ່າຍ​ມີ​ການ​ລົງ​ນາມ​ການ​ຮ່ວມ​ມື ໃນ​ປີ 1997. ໂດຍ​ສະ​ເພາະ​ແມານກອງ​ປະ​ຊຸມ​ຄະ​ນະ​ກຳ​ມະ​ການ​ຮ່ວມ​​ມື ສະ​ຫະ​ພາບ​ເອີ​ຣົບ ແລະ ສ​ ປ ​ປ ລາວ, ໃນ​ເດືອ​ນ​ກຸມ​ພາ​ທີ່​ຜ່ານ​ມາ​ທີ່ ນະ​ຄອນ​ຫຼວງວຽງ​ຈັນ. ກອງປະຊຸມດັ່ງກ່າວ ໄດ້ເຮັດ ໃຫ້ທັງສອງຝ່າຍມີການພົວພັນເຊີ່ງກັນແລະກັນຢ່າງແໜ້ນແຟ້ນ ແລະ ເຂັ້ມແຂງຂື້ນກວ່າເກົ່າ, ພ້ອມທັງເນັ້ນໜັກວຽກງານການ ຮ່ວມມື. ສະຫະພາບເອີຣົບມີຄວາມພ້ອມຕໍ່ການມີສ່ວນຮ່ວມຫຼາຍຂື້ນ ກັບບັນດາປະເທດສະມະຊິກອາຊຽນ. ໃນນັ້ນແນໃສ່ ສປປ ລາວ ເປັນປະເທດທີ່ສະຫະພາບເອີຣົບຈະຖອດຖອນບົດຮຽນໃນການບັນລຸເປົ້າໝາຍການຮ່ວມມື ແລະ ບັນດາສິ່ງ ທ້າທາຍຕ່າງໆ ເຊີ່ງເປັນໂຕຊີ້ບອກທີ່ສຳຄັນ ຂອງການຮ່ວມມືໃນພາກພື້ນຢ່າງເລີກເຊີ່ງຂອງສະຫະພາບເອີຣົບ.

ສະຫະພາບເອີຣົບປະສົບຜົນສຳເລັດດ້ານເສດຖະກິດເປັນອັນສອງຂອງໂລກ. ພວກເຮົາແມ່ນຕະຫຼາດທີ່ໃຫຍ່ທີ່ສຸດ ແລະ ມີນັກລົງ ທຶນຫຼາຍທີ່ສຸດໃນໂລກ. ສະຫະພາບເອີຣົບມີຈຸດຢືນທີ່ເຂັ້ມແຂງໃນເວທີ ສາກົນກໍ່ຄືການມີບົດບາດໃນການລົບລ້າງອຸປະສັກຕ່າງໆ ທາງດ້ານການຄ້າໂດຍ ສະຫະພາບເອີຣົບເປັນໜື່ງໃນສະມາຊິກຂອງອົງການ ການຄ້າໂລກ ແລະ ລວມທັງ ເປັນຄູ່ຮ່ວມມືທາງ ດ້ານການຄ້າໃນລະດັບທະວິພາຄີກັບຫຼາຍໆປະເທດໃນໂລກເຊັ່ນ: ການຮ່ວມມືການຄ້າກັບເຄນາດາ ຫຼື CETA, ເຊີ່ງເຮັດໃຫ້ ສະຫະພາບເອີຣົບສາມາດ ສົ່ງອອກສິນຄ້າເປັນຈຳນວນຫຼວງຫຼາຍ ແລະ ສາມາດສ້າງວຽກເຮັດງານທຳໄດ້ເຖິງ 30 ລ້ານຕຳແໜ່ງ.

ສະຫະພາບເອີຣົບຈະສຶບຕໍ່ເປັນອົງການຈັດຕັ້ງທີ່ເຂັ້ມແຂງ, ມີການຮ່ວມມືທີ່ດີ ແລະ ມີສິດອຳນາດທີ່ໜ້າເຊື່ອຖື, ເຊື່ງຄູ່ຮ່ວມມືຂອງ ພວກເຮົາເຂົ້າໃຈດີຕໍ່ກັບຈຸດຢືນຂອງພວກເຮົາ. ພວກເຮົາເນັ້ນໜັກການຮ່ວມມືຫຼາຍຝ່າຍ ແລະ ສິດທິມະນຸດເພື່ອການຮ່ວມ ມືສາກົນ. ນອກນັ້ນພວກເຮົາຍັງເນັ້ນໜັກການພັດທະນາແບບຍືນຍົງ, ການມີສ່ວນຮ່ວມຂອງສັງຄົມ, ການຕໍ່ຕ້ານຄວາມບໍ່ ສະເໝີພາບໂດຍສະເພາະ ໃນດ້ານການສຶກສາ, ປະຊາທິປະໄຕ ແລະ ສິດທິມະນຸດ. ສຳລັບພວກເຮົາເອງນັ້ນ ສິ່ງທີ່ກ່າວມານີ້ ບໍ່ແມ່ນ ພຽງການຊ່ວຍເຫຼືອລ້າ ແຕ່ພວກເຮົາຖືວ່າ ແມ່ນການລົງທຶນທີ່ດີ ເພື່ອຄວາມໝັ່ນຄົງແລະຄວາມ ຮັ່ງມີຂອງພວກ ເຮົາທຸກ ຄົນ. ພວກເຮົາຍັງເນັ້ນໜັກການປະຕິບັດກົດລະບຽບສາກົນໃຫ້ດີຂື້ນກວ່າເກົ່າ ເຊັ່ນ: ກົດເກນປົກປ້ອງຄົນທີ່ຖຶກກົດ ຂີ່ຂູດຮີດ, ກົດເກນທີ່ຊ່ວຍເສີມຂະຫຍາຍສິດ ແລະ ມາດຕະຖານ. ສະແດງຄວາມຂອບໃຈຕໍ່ການມີສ່ວນຮ່ວມຂອງສະຫະພາບເອີຣົບ ແລະ ບັນດາປະເທດສະມາຊິກ ເຊື່ງໃນນັ້ນອົງການຈັດຕັ້ງສາກົນຕ່າງໆ ໄດ້ສ້າງບັນດາຂໍ້ຕົກລົງເຊັ່ນ: ເປົ້າໝາຍການພັດທະນາແບບ ຍືນຍົງ, ຂໍ້ຕົກລົງປາຣີກຽ່ວກັບການປ່ຽນແປງພູມີອາກາດ ແລະ ຂໍ້ຕົກລົງດ້ານການພັດທະນາດ້ານການເງີນຂອງ ອາດິດສອາບາ ບາ. ໃນເວທີຂອງການກຳເນີດອຳນາດທາງດ້ານການເມືອງໃນໂລກ ສະຫະພາບເອີຣົບຈະຕັ້ງໜ້າມີບົດບາດໃຫ້ຫຼາຍຂື້ນ.

      ສະຫະພາບເອີຣົບແມ່ນຜູ້ໃຫ້ທຶນຊ່ວຍເຫຼືອທີ່ໃຫຍ່ສຸດໃນໂລກ. ພວກເຮົາແມ່ນສ່ວນໜື່ງໃນການວາງແຜນເພື່ອ ບັນລຸເປົ້າ ໝາຍການພັດທະນາແບບຍືນຍົງ ແລະ ພ້ອມດຽວກັນນັ້ນພວກເຮົາຍັງເປັນຜູ້ປະຕິບັດ ແລະ ປັບປຸງນະໂຍບາຍ ການພັດທະນາ ຂອງສະຫະພາບເອີຣົບ. ສະຫະພາບເອີຣົບ ໄດ້ໃຫ້ຄວາມ ຊ່ວຍເຫຼືອແກ່ 150 ປະເທດທົ່ວໂລກ ແລະ ໄດ້ເພີ່ມ ການຊ່ວຍເຫຼືອຫຼາຍຂື້ນ ໃຫ້ແກ່ປະເທດທີ່ມີຄວາມຕ້ອງການຫຼາຍທີ່ສຸດ. ສຳລັບ ສ ປ ປ ລາວ, ສະຫະພາບເອີຣົບໄດ້ໃຫ້ການຊ່ວຍ ເຫຼືອແກ່ລັດຖະບານລາວ ໃນການຫຼຸດຜ່ອນຄວາມທຸກຍາກ ເຊີ່ງລວມມີ 03 ຂະແໜ່ງການສຳຄັນຄື: ວຽກງານໂພສະນາການ, ການສຶກສາ ແລະ ການປະຕິ ຮູບການປົກຄອງ. ສະຫະພາບເອີຣົບ ໄດ້ໃຫ້ທຶນຊ່ວຍເຫຼືອລາວເຖີງ 207 ລ້ານເອີໂຣ ສຳລັບປີ 2014 - 2020.

      ນອກຈາກນັ້ນ ສະຫະພາບເອີຣົບໄດ້ເນັ້ນໜັກຄວາມຊ່ວຍເຫຼືອແກ່ຜູ້ເຄາະຮ້າຍທາງໄພທໍາມະຊາດຕ່າງໆ. ໃນນັ້ນບັນຫາ ດ້ານມະນຸດຊະທຳ ຍັງສຶບຕໍ່ເປັນບັນຫາທີ່ເກີດຂື້ນໃນທົ່ວໂລກ ແລະ ໃນປີ 2016 ສະຫະພາບເອີຣົບໄດ້ຈັດສັນງົບປະມານເຖິງ 1,5 ຕື້ເອີໂຣ ສໍາລັບອາຫານ, ທີ່ພັກ,  ການປ້ອງກັນ ແລະ ສາທາລະນະສຸກໃຫ້ແກ່ 120 ລ້ານຄົນ ໃນຫຼາຍກວ່າ 80 ປະເທດ. ສະຫະພາບ ເອີຣົບເປັນຜູ້ບໍລິຈາກຫຼັກໃນການຊ່ວຍເຫຼືອແກ່ຜູ້ເຄາະຮ້າຍຈາກຄວາມບໍ່ສະຫງົບໃນປະເທດຊີເຣຍ ໃນປີ 2011 ແລະ ເປັນຜູ້ບໍລິ ຈາກຫຼັກໃນການຊ່ວຍເຫຼືອດ້ານມະນຸດຊະທຳ ໃຫ້ແກ່ຊາຍ, ຍິງ ແລະ ເດັກນ້ອຍທີ່ບໍ່ມີ ທີ່ຢູ່ອາໄສເນື່ອງ ຈາກຄວາມ ບໍ່ສະຫງົບໃນປະ ເທດດັ່ງກ່າວ. ຫຼາຍໆປະເທດໃນໂລກໄດ້ຮຽກຮ້ອງຄວາມຊ່ວຍເຫຼືອດ້ານມະນຸດຊະທຳຈາກສະຫະພາບເອີຣົບ ນັບຕັ້ງແຕ່ສະຫະພາບ ເອີຣົບໄດ້ລິເລີ່ມການປະຕິບັດງານໃນປີ 2001, ສະຫະພາບເອີຣົບໄດ້ມີສ່ວນຮ່ວມໃນການຊ່ວຍເຫຼືອດ້ານ ໄພພິິບັດ ຕ່າງໆ ເຊັ່ນ: ແຜ່ນດິນໄຫວຢູ່ ເຮຕິ ປີ 2010, ໄພພິບັດຢູ່ປະເທດຍີ່ປຸ່ນ ປີ 2011, ໄພນ້ຳຖ້ວມຢູ່ເຊີເບຍ, ບອດສເນຍ, ເຮຊີໂກວີນາ ປີ 2014, ການລະບາດຂອງເຊື້ອພະຍາດອີໂບລາປີ 2014, ຄວາມຂັດແຍ່ງຂອງປະເທດຢູເຄຣນ ປີ 2014, ແຜ່ນດິນໄຫວຢູ່ປະເທດເນປານ ປີ 2015, ບັນດາຜູ້ອົບພະຍົບໃນເອີຣົບ ແລະ ພະຍຸແມັດຖີວເຮີລິເຄນ ຢູ່ເຮຕິ ປີ 2016.

ບໍ່ວ່າເຫດການໃດທີ່ຈະເກິດຂື້ນໃນອານາຄົດ ສິ່ງໜື່ງທີ່ແນ່ນອນກໍ່ຄື ສະຫະພາບເອີຣົບຈະສຶບຕໍ່ສະໜັບສະໜູນສັນຕິພາບ ແລະ ຄວາມໝັ້ນຄົງສາກົນ, ການຮ່ວມມືເພື່ອການພັດທະນາ, ສິດທິມະນຸດ ແລະ ການຕອບໂຕ້ຕໍ່ບັນຫາດ້ານມະນຸດຊະທຳ. ສີ່ງເຫຼົ່ານີ້ເປັນໝາກຫົວໃຈສໍາຄັນຂອງນະໂຍບາຍຕ່າງປະເທດ ແລະ ຄວາມໝັ້ນຄົງສາກົນຂອງສະຫະພາບເອີຣົບ.

Editorial Sections: