Delegation of the European Union to India and Bhutan

Беларусь: ЕС працягнуў дзеянне санкцый на год

25/02/2021 - 18:35
News stories

Сёння Савет пастанавіў падоўжыць да 28 лютага 2022 года абмежавальныя меры, якія дзейнічаюць у дачыненні да высокапастаўленых службовых асоб, адказных за жорсткія рэпрэсіі і запалохванне мірных дэманстрантаў, прадстаўнікоў апазіцыі і журналістаў, а таксама асоб, адказных за фальсіфікацыю выбараў у Беларусі. Санкцыі ЕС таксама накіраваны супраць эканамічных суб'ектаў, вядомых бізнесоўцаў і кампаній, якія атрымліваюць выгаду ад рэжыму Аляксандра Лукашэнкі і/альбо падтрымліваюць яго.

Пасля фальсіфікаваных прэзідэнцкіх выбараў, якія адбыліся ў жніўні, і хвалі дэманстрацый, што распачаліся пасля іх і былі жорстка падаўлены беларускімі ўладамі, ЕС увёў санкцыі ў кастрычніку, лістападзе і снежні 2020 года, тым самым даўшы зразумець адказным палітычным і эканамічным суб'ектам, што за іх дзеянні і падтрымку ў адносінах да рэжыму даводзіцца плаціць.

Абмежавальныя меры ўяўляюць сабой забарону на паездкі ў ЕС і замарожванне актываў для фізічных асоб (у цяперашні час яны дзейнічаюць у дачыненні да 88 чалавек, у тым ліку Аляксандра Лукашэнкі) і замарожванне актываў 7 юрыдычных асоб. Акрамя таго, фізічным і юрыдычным асобам у ЕС забаронена прадастаўляць фінансавыя сродкі пералічаных асобам, як прама, так і ўскосна.

ЕС уважліва сочыць за развіццём сітуацыі ў Беларусі. Савет па замежных справах 22 лютага 2021 года падкрэсліў, што ў сувязі з захаваннем непавагі да фундаментальных свабод і правоў чалавека, а таксама рэпрэсіямі ў дачыненні да беларускага народа і грамадзянскай супольнасці з боку ўладаў Еўрапейскі саюз разгледзіць пытанне аб увядзенні далейшых санкцый. Акрамя таго, ЕС працягне падтрымліваць беларускі народ у яго законным патрабаванні дэмакратыі, у тым ліку за кошт падтрымкі грамадзянскай супольнасці і незалежных СМІ.

Глядзіце таксама

Languages:
Рэдакцыйныя раздзелы: