Hæ hó jibbí jei og jibbí jei! Það er kominn 17. júní!

Kæru Íslendingar nær og fjær, sendinefnd Evrópusambandsins á Íslandi óskar ykkur öllum gleðilegs þjóðhátíðardags.

Í rúm 30 ár hafa Ísland, Evrópusambandið og aðildarríki þess átt í árangursríku og nánu sambandi. Ísland er mikilvægt samstarfsríki í EES-samstarfinu, Schengen, og viðskiptum. Saman höfum við bætt hag íbúa okkar með auknum viðskiptum, auknu samstarfi í menntamálum, rannsóknum, nýsköpun, vísindum, menningarmálum, varnar- og öryggismálum, o.fl.!

Við erum þakklát fyrir hið nána samstarf, samstöðu okkar um grundvallargildi lýðræðis, mannréttinda, réttarríkisins, jafnréttis og friðar.

Gleðilegan 17. júní!