Sendinefnd ESB á Íslandi

Ferðalög til ESB frá Íslandi

Frá 25. mars 2001 hefur Ísland verið þátttakandi í samstarfi Evrópuríkja sem kennt er við Schengen. Tuttugu og tvö aðildarríki ESB eru aðilar að Schengen-svæðinu, auk EFTA-ríkjanna Íslands, Liechtenstein, Noregs og Sviss. Af aðildarríkjum ESB eru Bretland, Búlgaría, Írland, Króatía, Kýpur og Rúmenía ekki þátttakendur í Schengen-svæðinu.

Skilríki sem Íslendingar þurfa að hafa meðferðis á ferðum innan Evrópu

Ferðir innan Norðurlandanna

Norðurlöndin gera ekki þá kröfu til íslenskra ríkisborgara að þeir hafi vegabréf  meðferðis á ferðum sínum þangað. Þó þurfa ferðamenn að vera viðbúnir því að geta sagt á sér deili og í því efni er ekkert skjal öruggara en vegabréfið. Við innritun í flug í norrænum flughöfnum fer það t.d. eftir reglum hvers flugfélags hvaða kröfur eru gerðar um auðkenningu. Algengt er að flugfélög geri kröfu um vegabréf eða önnur persónuskilríki, t.d. ökuskírteini.

 

Ferðir til annarra Schengen-ríkja en Norðurlandanna

Eindregið er mælt með því að fólk hafi ávallt vegabréf meðferðis í ferðum sínum til annarra Schengen-ríkja en Norðurlandanna.

Þótt Íslendingum sé frjálst að fara yfir innri landamærin á Schengen-svæðinu þá takmarkast dvalarréttur eftir sem áður af reglum viðkomandi ríkis eða reglum samningsins um Evrópska efnahagssvæðið. Því þarf einstaklingur almennt að sækja um dvalarleyfi hyggist hann dvelja lengur en 90 daga í viðkomandi ríki.

 

Ferðir til ESB-ríkja utan Schengen-svæðisins

ESB-ríki utan Schengen-svæðisins gera þá kröfu til íslenskra ríkisborgara að þeir hafi meðferðis vegabréf á ferðum sínum þangað. Almennt er gert ráð fyrir að sótt sé um dvalarleyfi ef dvelja á lengur en 90 daga í viðkomandi landi.

GERMANY

Embassy of the Federal Republic of Germany
Address: Laufásvegur 31, 101 Reykjavik

FRANCE

Embassy of the French Republic
Address: Túngata 22, 101 Reykjavik

UNITED KINGDOM

British Embassy Reykjavik
Address: Laufásvegur 31, 101 Reykjavik

DENMARK

Royal Danish Embassy
Address: Hverfisgata 29, 101 Reykjavik

FINLAND

Embassy of the Republic of Finland
Address: Túngata 30, 101 Reykjavik

SWEDEN

Embassy of Sweden
Address: Lágmúli 7, 108 Reykjavik

CONSULATE GENERAL OF POLAND

Address: Skúlatún 2, 105 Reykjavik

EUVP-áætlunin

 EUVP-áætlunin (European Union Visitors Programme) er námsáætlun ætluð framúrskarandi ungu sérmenntuðu fólki frá löndum utan Evrópusambandsins.

ESB gerir sér vonir um að áætlunin muni leiða til aukins gagnkvæms skilnings meðal fólks frá mismunandi menningarsvæðum.

Erasmus+

Erasmus+ býður bæði einstaklingum og samtökum alls konar námstækifæri.

Nánari upplýsingar má finna í Leiðbeiningum með Erasmus+ áætluninni.

Þú getur líka kynnt þér upplýsingablað Erasmus+.

Ritstjórnargreinar:
Languages: