Delegation of the European Union to Haiti

Беларусь: Аляксандр Лукашэнка і яшчэ 14 службовых асоб апынуліся пад санкцыямі ў сувязі з працягам рэпрэсій

06/11/2020 - 16:33
News stories

Сёння Савет ЕС дадаў 15 прадстаўнікоў беларускіх уладаў, у тым ліку Аляксандра Лукашэнку, а таксама яго сына і памочніка па нацыянальнай бяспецы Віктара Лукашэнку, у спіс асоб, якія знаходзяцца пад санкцыямі ў сувязі з жорсткімі рэпрэсіямі і запалохваннем мірных дэманстрантаў, прадстаўнікоў апазіцыі і журналістаў пасля прэзідэнцкіх выбараў 2020 года ў Беларусі.

Абмежавальныя меры, якія цяпер дзейнічаюць у агульнай складанасці ў дачыненні да 59 асоб, уключаюць забарону на ўезд і замарожванне актываў. Акрамя таго, грамадзянам і кампаніям ЕС забаронена даваць фінансавыя сродкі тым, хто знаходзіцца ў спісе.

Сённяшняе рашэнне прынята ў працяг Заключэнняў Савета ЕС ад 12 кастрычніка 2020 года аб рэакцыі Еўрапейскага саюза на падзеі ў Беларусі, у якіх Савет рашуча асудзіў гвалт, які ўжываецца беларускімі ўладамі супраць мірных пратэстуючых, і заявіў аб гатоўнасці ЕС прыняць далейшыя абмежавальныя меры ў дачыненні да арганізацый і высокапастаўленых службовых асоб, у тым ліку Аляксандра Лукашэнкі.

Акрамя таго, 24 верасня 2020 года Высокі прадстаўнік выступіў з дэкларацыяй ад імя Еўрапейскага саюза, у якой заявіў, што так званая інаўгурацыя і новы мандат, на які прэтэндуе Аляксандр Лукашэнка, пазбаўленыя якой-небудзь дэмакратычнай легітымнасці, і заклікаў улады Беларусі неадкладна спыніць любыя далейшыя рэпрэсіі і гвалт у дачыненні да народа Беларусі і неадкладна і безумоўна вызваліць усіх затрыманых, у тым ліку палітычных зняволеных.

Адпаведныя прававыя акты, уключаючы імёны згаданых асоб, апублікаваны ў Афіцыйным часопісе ЕС.

Languages: