Delegation of the European Union to Colombia

ÜST psixi sağlamlıq və psixo-sosial dəstək sahəsində fəaliyyətini genişləndirir

Bakı, 06/07/2021 - 14:19, UNIQUE ID: 210707_13
Press releases

Aİ-nin Sağlamlıq üçün Həmrəylik Təşəbbüsü və BMT-nin Fövqəladə Hallara qarşı Cavab Tədbirləri üzrə Mərkəzi Fondunun və digər mənbələrdən maliyyə dəstəyi ilə ÜST Azərbaycan, COVID-19 pandemiyası və Dağlıq Qarabağ münaqişəsi səbəbiylə ölkənin artan ehtiyaclarına cavab olaraq 2020-ci ilin sonlarından bəri 98 psixi sağlamlıq və psixo-sosial dəstək (PSPSD) mütəxəssisinə təlim keçilməsini təşkil edib. Onlardan 51 nəfəri təlimçilərin təlimi proqramlarında iştirak edib və hazırda həmkarlarına təlim keçməkdədirlər. 32 mütəxəssis ÜST-nin dəstəyi ilə Kolumbia Universiteti və Queen Margaret Universitetindəki təlim proqramlarına qatılıb. Bundan əlavə, EMDR Azərbaycan və ÜST-nin Ölkə Ofisinin birgə əməkdaşlığı nəticəsində 15 mütəxəssis EMDR terapiyası üzrə sertifikat proqramına başlayıb.

ÜST Azərbaycan, həmçinin, COVID-19-la bağlı bütün layihələrinə PSPSD komponenti əlavə edib və PSPSD mütəxəssislərini Azərbaycanın münaqişədən zərər çəkmiş 5 rayonunda təcili ehtiyacların ödənməsi üçün işə cəlb edib. Bundan əlavə, ÜST Azərbaycan yaxın vaxtlarda Səhiyyə Nazirliyi və Sosial Xidmətlər Agentliyinin səhiyyə müəssisələrində pasiyentlərə dəstək olmaq üçün psixoloqları və sosial işçiləri işə cəlb edəcək.

PSPSD sahəsində bacarıqların inkişaf etdirilməsi tədbirlərinin aralıq nəticələrini müzakirə etmək üçün təlim iştirakçıları, Kolumbiya Universiteti və Queen Margaret Universitetinin nümayəndələri, artan  PSPSD ehtiyaclarının ödənilməsi üçün ÜST-nin yaxından əməkdaşlıq etdiyi Səhiyyə Nazirliyi, TƏBIB, Fövqəladə Hallar Nazirliyi, Sosial Xidmətlər Agentliyi və yerli və beynəlxlaq QHT-lərin təmsilçilərini bir araya gətirən onlayn görüş keçirlib.

Görüş zamanı qeyd edilib ki, PSPSD sahəsində görülmüş işlər ÜST-nin yerli və beynəlxalq tərəfdaşları, layihə donorları və ayrı-ayrı mütəxəssislər ilə birgə komanda işini nəticəsidir. Tədbir iştirakçıları uzunmüddətli ehtiyacların qarşılanması üçün də komanda ruhunda əməkdaşlığı davam etdirməyə hazırlıqlarını dilə gətiriblər.

Languages:
Redaksiya Bölmələri:

Müəllif