Беларусь: Заява Прэс-сакратара Еўрапейскай службы знешніх дзеянняў у сувязі з новым смяротным прысудам
6 сакавіка 2020 г. Віктар Скрундзік быў асуджаны на смерць ў Беларусі Мінскім абласным судом.
Еўрапейскі саюз пацвярджае сваё рашучае непрыманне прымянення смяротнага пакарання пры любых абставінах. Смяротнае пакаранне парушае неад'емнае права на жыццё, замацаванае ва Усеагульнай дэкларацыі правоў чалавека, і з'яўляецца найбольш жорсткім, бесчалавечным і зневажаючым годнасць пакараннем. Памылкі правасуддзя, непазбежныя ў любой судовай сістэме, становяцца незваротнымі.
Ва ўсім свеце існуе тэндэнцыя да адмены смяротнага пакарання: у 160 краінах не было ніводнага пакарання смерцю за апошнія 10 гадоў і больш. Калі б Беларусь замяніла існуючыя смяротныя прысуды і ўвяла мараторый на смяротнае пакаранне, гэта было б вельмі станоўчым першым крокам да яго адмены.