ІНФАРМАЦЫЯ ДЛЯ АСОБ, ЯКІЯ ЗВЯРТАЮЦЦА ПА ШЭНГЕНСКУЮ ВІЗУ Ў БЕЛАРУСІ

ХТО МОЖА ЗВЯРТАЦЦА ПА ШЭНГЕНСКУЮ ВІЗУ Ў БЕЛАРУСІ

Усе грамадзяне Беларусі і грамадзяне іншых (трэціх) краін, якія пражываюць у Беларусі на законных падставах.

Усе тыя грамадзяне трэціх краін, якія легальна знаходзяцца, але не пражываюць у Беларусі, могуць таксама звярнуцца за атрыманнем візы ў Беларусі пры ўмове прад'яўлення абгрунтавання прычын звароту за візай.

КОНСУЛЬСТВА КРАІН ШЭНГЕНСКАГА ПАГАДНЕННЯ, ЯКІЯ ПРЫМАЮЦЬ ЗАЯВЫ НА АТРЫМАННЕ ВІЗАЎ У БЕЛАРУСІ

Балгарыя, Венгрыя, Германія, Італія, Латвія, Літва (Амбасада Літвы ў Мінску, Консульства Літвы ў Гродна), Польшча (Амбасада Польшчы ў Мінску, Консульства Польшчы ў Гродна, Консульства Польшчы ў Брэсце, а таксама www.e-konsulat.gov.pl для рэгістрацыі візавых заяў праз інтэрнэт), Румынія, Славакія, Францыя, Чэшская Рэспубліка, Эстонія.

ЯК ПАДАЦЬ ЗАЯВУ НА АТРЫМАННЕ ВІЗЫ, КАЛІ Ў БЕЛАРУСІ НЯМА КОНСУЛЬСТВА КРАІНЫ, У ЯКУЮ ВЫ ЕДЗЕЦЕ

Калі ў Беларусі няма консульства краіны Шэнгенскага пагадненняя, якую вы маеце намер наведаць, заяву на атрыманне шэнгенскай візы трэба падаваць у консульства іншай краіны Шэнгенскага пагаднення, якое ўпаўнаважанае выдаваць візы ў краіну Шэнгенскага пагаднення.

Аўстрыя, Бельгія, Люксембург, Нідэрланды і Славенія: Заяву на атрыманне шэнгенскай візы для паездкі ў адну з гэтых краін можна падаваць у амбасаду Германіі.

Грэцыя: Заяву на атрыманне шэнгенскай візы для паездкі ў Грэцыю можна падаваць у візавы цэнтр Грэцыі ў Мінску.

Данія: Заяву на атрыманне шэнгенскай візы для паездкі ў Данію можна падаваць у візавы цэнтр Даніі ў Мінску.

Ісландыя, Нарвегія: Заяву на атрыманне шэнгенскай візы для паездкі ў адну з гэтых краін можна падаваць у амбасаду Францыі.

Іспанія: Заяву на атрыманне шэнгенскай візы для паездкі ў Іспанію можна падаваць у візавы цэнтр  Іспаніі.

Мальта: Заяву на атрыманне шэнгенскай візы для паездкі на Мальту можна падаваць у амбасаду Італіі.

Партугалія: Заяву на атрыманне шэнгенскай візы для паездкі ў Партугалію можна падаваць у амбасаду Славакіі.

Фінляндыя, Швецыя: Заяву на атрыманне шэнгенскай візы для паездкі ў адну з гэтых краін можна падаваць у амбасаду Эстоніі.

Швейцарыя: Заяву на атрыманне шэнгенскай візы для паездкі ў Швейцарыю можна падаваць у амбасаду Венгрыі.

ШТО АДБУДЗЕЦЦА, КАЛІ ВЫ ЗВЯРНУЛІСЯ ПА ВІЗУ Ў НЕАДПАВЕДНУЮ АМБАСАДУ/КОНСУЛЬСТВА?

Атрымаўшы заяву на выдачу візы, консульства павінна пераканацца ў тым, што разгляд заявы знаходзіцца ў сферы яго кампетэнцыі. Калі консульства не мае паўнамоцтваў для афармлення візы на падставе пададзенай заявы, яно неадкладна вяртае заяву таму, хто звярнуўся па візу, вяртае візавы збор і пазначае консульства, у якое трэба звярнуцца па візу.

Erasmus+ з'яўляецца праграмай Еўрапейскага саюза ў галіне адукацыі, навучання, моладзевай палітыкі і спорту. Паміж 2014 і 2020 яна дасць магчымасці чатыром мільёнам чалавек для навучання, падрыхтоўкі і атрымання жыццёвага вопыту за мяжой.

Erasmus+ замяняе шэраг старых праграм, у тым ліку міжнародную праграму абмену пад назвай Erasmus Mundus.

Наведайце раздзел "Рэсурсы" партала Erasmus+ для атрымання інфармацыі аб лінгвістычнай падтрымцы, дакументах для заяўнікаў і кіравання прапановамі.

Праграма візітаў Еўрапейскага саюза (EUVP) сумесна спансуецца і кіруецца Eўрапейскім парламентам і Еўрапейскай камісіяй. У рамках праграмы маладых, перспектыўных лідэраў з краін, якія не з'яўляюцца членамі Еўрапейскага саюза, запрашаюць наведаць Еўропу, каб на ўласным вопыце пазнаёміцца з інстытутамі, палітыкай, каштоўнасцямі і людзьмі ЕС і павысіць узровень узаемапаразумення паміж спецыялістамі з краін, якія не з'яўляюцца членамі ЕС, і іх калегамі з ЕС.

Візіт EUVP складаецца з індывідуальнай 5-8-дзённай праграмы сустрэч са службовымі асобамі ЕС ва ўстановах ЕС у Бруселі і/альбо Страсбургу. Усе праграмы каардынуюцца і арганізуюцца Сакратарыятам EUVP. Выдаткі на праезд і сутачныя аплачваюцца EUVP.

Беларусы, якія маюць прафесійна абумоўлены інтарэс да Еўрапейскага саюза, запрашаюцца да ўдзелу ў EUVP. Заяўкі могуць падаваць дзяржаўныя служачыя, журналісты, педагогі, прадстаўнікі няўрадавых арганізацый і іншыя спецыялісты ва ўзросце ад 30 да 40 гадоў, якія маюць звязаную з іх кар'ерай цікавасць да Еўрапейскага саюза. Кандыдаты павінны быць спецыялістамі ў тых сферах, у якіх іх вопыт удзелу ў EUVP будзе спрыяць іх разуменню адносін паміж ЕС і Беларуссю і дапаможа ім рухацца па абраным імі кар'ерным шляху. Базавыя веды пра ўстановы ЕС і іх функцыянаванне вітаюцца.

Калі ласка, звярніце ўвагу, што EUVP не прызначана для студэнтаў: удзельнікі павінны мець універсітэцкую адукацыю альбо эквівалентную падрыхтоўку, а таксама некалькі гадоў стажу працы ў абранай імі сферы.

Удзельнікі EUVP абіраюцца камітэтам у Бруселі пад сумесным старшынствам супрацоўнікаў Еўрапейскага парламента і Еўрапейскай камісіі.