Прадстаўніцтва Еўрапейскага саюза ў Беларусі

Прадстаўніцтва Еўрапейскага саюза ў Беларусі

Мандат Прадстаўніцтва

Прадстаўніцтва Камісіі ЕС у Беларусі адчыніла дзверы 7 сакавіка 2008 г. пасля падпісання адпаведнага пагаднення паміж Камісіяй Еўрапейскіх супольнасцяў і Рэспублікай Беларусь. Пасля таго як 1 снежня 2009 г. пачаў дзейнічаць Лісабонскі дагавор, Прадстаўніцтва цяпер мае афіцыйную назву “Прадстаўніцтва Еўрапейскага саюза ў Беларусі” (“Прадстаўніцтва ЕС ў Беларусі”). Гэта адно з больш як 130 Прадстаўніцтваў ЕС па ўсім свеце.

Прадстаўніцтва мае статус дыпламатычнай місіі і афіцыйна прадстаўляе Еўрапейскі саюз у Беларусі.

1 студзеня 2007 г. Еўрапейскі саюз завяршыў пятае пашырэнне, якое пачалося ў маі 2004 г. Харватыя далучылася да ЕС 1-га ліпеня 2013 г. Сёння Еўрапейскі саюз складаецца з 28 краін. Яго насельніцтва перавышае 500 мільёнаў, і ён з’яўляецца найвялікшым гандлёвым блокам у свеце.

Мандат Прадстаўніцтва Еўрапейскага саюза ў Беларусі ўключае:

  • распрацоўку і падтрымку добрых і эфектыўных кантактаў з дзяржаўнымі, рэгіянальнымі і мясцовымі органамі ўлады і адміністрацыямі, прадстаўнікамі бізнес-супольнасці, пасольствамі краін ЕС, пасольствамі трэціх краін, а таксама міжнароднымі і рэгіянальнымі арганізацыямі/інстытутамі;
  • забеспячэнне шчыльнага дыялогу з органамі ўлады і іншымі зацікаўленымі асобамі (арганізацыямі грамадзянскай супольнасці, універсітэтамі, мясцовымі СМІ) па пытаннях эканамічнай, сацыяльнай палітыкі, палітыкі ў сферы кіравання, праў чалавека і іншай палітыкі;
  • аб’яўленне і тлумачэнне пазіцыі Еўрапейскага саюза дзяржаўным органам улады і мясцовым прадстаўнікам краін-сябраў;
  • пашырэнне ведаў пра Еўрапейскі саюз, яго інстытуты і праграмы, якія пачалі дзейнічаць у Беларусі ў межах Інструмента Еўрапейскай палітыкі суседства;
  • падтрымку падтрыхтоўкі і ўкаранення праграм тэхнічнай падтрымкі, фінансаваных ЕС.

Шаноўныя наведвальнікі,

Вітаю вас на сайце Прадстаўніцтва Еўрапейскага саюза ў Беларусі. Сайт прапануе хуткі доступ да навінаў ЕС, а таксама да інфармацыі пра ЕС і яго палітыку, адносіны з Беларуссю, распавядае пра ролю і дзейнасць Прадстаўніцтва.

Пасля дваццаці пяці гадоў працы ў дыпламатычнай службе Германіі, у тым ліку трох гадоў працы ў Беларусі, я мела гонар вярнуцца ў Мінск, каб узначаліць каманду Прадстаўніцтва ЕС.

Мы ўсе з нецярпеннем чакаем магчымасці працаваць з беларусамі – і ва ўрадзе, і па-за ўрадам – і шукаць шляхі да паляпшэння адносін паміж ЕС і Беларуссю. Мы спадзяемся, што можам быць карыснымі беларускаму народу ў яго працы па забяспячэнні свайго дэмакратычнага развіцця, росквіту і бяспекі. Для Еўрапейскага саюза Беларусь важная як сусед, як неад'емная частка еўрапейскай спадчыны і еўрапейскай супольнасці нацый.

На працягу апошніх некалькіх гадоў ЕС прадастаўляе ў сярэднім 30 мільёнаў еўра штогод для праектаў у Беларусі і ў інтарэсах беларускага народа. Гэтыя праекты ажыццяўляюцца ў шэрагу сфер, напрыклад, у сферы аховы навакольнага асяроддзя, рэгіянальнага развіцця, у сацыяльным сектары. У гэтым супрацоўніцтве ўдзельнічаюць і ўлады, і грамадзянская супольнасць, і так будзе і надалей.

Мы рады бачыць, што запрацаваў Праект MOST, які дае сотням беларусаў дадатковую магчымасць наладзіць прафесійныя кантакты з калегамі ў ЕС у шырокім спектры обласцей. Вышэйшая адукацыя – гэта яшчэ адна важная сфера рэгіянальнага супрацоўніцтва, у якім Беларусь прымае ўдзел праз Праграму Erasmus+. У вельмі хуткім часе мы спадзяемся прыступіць да ажыццяўлення Праграмы BELMED, якая дапаможа сістэме аховы здароўя Беларусі адаптавацца да сучасных выклікаў. З 2001 года ЕС выдзеліў больш за 75 мільёнаў еўра фінансавай дапамогі беларускай памежнай службе. У Беларусі гэты сектар – найвялікшы атрымальнік дапамогі Еўрапейскага саюза. Супрацоўніцтва паміж Беларуссю і ЕС у сферах энергетычнай бяспекі, зялёнай эканомікі і аховы прыроднага асяроддзя ўстойліва развіваюцца на працягу двух дзесяцігоддзяў. Беларусь удзельнічае ў праектах у такіх сферах, як кіраванне межамі і мытная справа, міграцыя і прадастаўленне прытулку, супрацьдзеянне гандлю людзьмі і наркотыкамі, пераадоленне наступстваў антропагенных і прыгодных катастроф, падтрымлівае іншыя рэгіянальныя і трансгранічныя ініцыятывы. Сёння нам варта шукаць магчымасці для таго, каб супрацоўнічаць больш.

Дзякую вам за ўвагу да нашай працы. Калі вы ёсць у Фэйсбуку, спадзяюся, што вам прыдасца наша старонка. Калі ласка, звяртайцеся да Прадстаўніцтва, калі ў вас з'явяцца заўвагі ці пытанні.

З павагай,

Андрэа Віктарын

Кіраўнік Прадстаўніцтва Еўрапейскага cаюза ў Беларусі, Амбасадар

Кіраўнік прадстаўніцтва

Андрэа ВІКТАРЫН

Кіраўнік аддзела палітыкі, прэсы і інфармацыі

Джым КАЗЭНС

Кіраўнік аддзела праектаў і праграм

Фрэдэрык КУНЭ

Кіраўнік адміністрацыйнага аддзела

Дамір МАЛБАШЫЧ

Кіраўнік аддзела фінансаў, кантрактаў і аўдыта

Вайда КУДАБІЕНЕ

Languages:
Рэдакцыйныя раздзелы: