Հայաստանում Եվրոպական միության պատվիրակություն

Եվրոպական միությունը մեկնարկում է նախասահմանված կառուցվածքով կանոնավոր խորհրդակցությունների շարք Արևելյան գործընկերության ապագայի թեմայով

Bruxelles, 26/07/2019 - 15:45, UNIQUE ID: 190726_7
Press releases

Եվրոպական միության գերատեսչությունները մեկնարկում են ընդարձակ և ընդգրկուն, կանոնավոր խորհրդակցությունների շարք՝ նախաապես սահմանված կառուցվածքով նվիրված Արևելյան գործընկերության ապագա ռազմավարական ուղղությանը:

Վերջին տասնամյակում ԵՄ-ն, իր անդամ պետությունների և Հայաստանի, Ադրբեջանի, Բելառուսի, Վրաստանի, Մոլդովայի հանրապետության և Ուկրաինայի միջև համագործակցության հզորացումը Արեւելյան գործընկերության շրջանակներում ապացուցել է իր փոխշահավետությունը և կոնկրետ արդյունքներ է ապահովել քաղաքացիների համար:

 

«20 թիրախային արդյունք 2020 թվականի համար» խորագրով բարփոխումների ընդհանուր օրակարգը հաջողությամբ առաջընթաց է գրանցել  ողջ տարածաշրջանում՝ աշխատանք տանելով ավելի ուժեղ տնտեսությունների, ավելի ուժեղ կառավարման, ավելի ուժեղ կապի և ավելի ուժեղ հասարակությունների ուղղությամբ: Ի նշանավորումն ԱլԳ նախաձեռնության 10-ամյակի՝ մայիսի 14-ին տեղի ունեցավ Բարձր մակարդակի համաժողով, որի ընթացքում   Եվրոպական հանձնաժողովի նախագահ Ժան-Կլոդ Յունկերը մեկնարկեց քննարկում Արևելյան գործընկերության ապագայի վերաբերյալ:

 

Այս համատեքստում, Եվրոպական խորհուրդը հանձնարարել է Հանձնաժողովին և ԵԱԳԾ-ին հանդես գալ Արևելյան գործընկերության ապագայի վերաբերյալ առաջարկներով:  Գործընկերության  պատշաճ ու ընդգրկուն ձևաչափի պահպանման  նպատակով Եվրոպական հանձնաժողովը և Եվրոպայի արտաքին գործողությունների ծառայությունը հրավիրում են հիմնական շահագրգիռ կողմերին կիսվել ապագա քաղաքական շրջանակի  վերաբերյալ իրենց տեսակետներով:

 

ԵՄ անդամ պետությունների և Արեւելյան գործընկեր երկրների կառավարությունների, խորհրդարանների, տեղական և տարածքային իշխանությունների ներկայացուցիչները, միջազգային կազմակերպությունները միջազգային ֆինանսական հաստատությունները, քաղաքացիական հասարակության ներկայացուցիչները, բիզնեսի և մասնավոր հատվածի դերակատարները, ակադեմիական և հետազոտական հաստատությունները, երիտասարդները, զանգվածային լրատվամմիջոցները և այլ շահագրգիռ կողմեր կարող են կիսել իրենց տեսակետը նոր՝ 2020-ից հետո քաղաքականության շրջանակի վերաբերյալ:

 

Բոլոր շահագրգիռ կողմերին հրավիրում ենք մինչև 2019 թվականի հոկտեմբերի 31-ը տեղադրել իրենց առաջարկները սույն կայքէջում: Թեմատիկ հանդիպում-խորհրդակցություններ կկազմակերպվեն նաև գործընկեր երկրներում և  Եվրոպական միությունում:

 

Ներկայացված տվյալների հիման վրա կմշակվի փաստաթուղթ, որը կներկայացնի Արևելյան գործընկերության նոր՝ 2020-ից հետո քաղաքականության շրջանակի հիմնական դրույթները:    

 

Լրացուցիչ տեղեկություններ`
Արևելյան գործընկերության 10 ձեռքբերումների վերաբերյալ տեղեկատվական թերթիկ
Արևելյան գործընկերության մասին միֆերի վերաբերյալ տեղեկատվական թերթիկ
ԵՄ-Հայաստան հարաբերությունների վերաբերյալ տեղեկատվական թերթիկ
ԵՄ-Ադրբեջան հարաբերությունների վերաբերյալ տեղեկատվական թերթիկ
ԵՄ-Բելառուս հարաբերությունների վերաբերյալ տեղեկատվական թերթիկ
ԵՄ-Վրաստան հարաբերությունների վերաբերյալ տեղեկատվական թերթիկ
ԵՄ-Մոլդովա հարաբերությունների վերաբերյալ տեղեկատվական թերթիկ
ԵՄ-Ուկրաինա հարաբերությունների վերաբերյալ տեղեկատվական թերթիկ

 

Խմբագրական բաժիններ: