Հայաստանում Եվրոպական միության պատվիրակություն

Հայաստանը և Եվրոպոլը ստորագրեցին համաձայնագիր լուրջ և կազմակերպված անդրսահմանային հանցավորության դեմ պայքարի վերաբերյալ

Բրյուսել, 16/09/2021 - 00:00, UNIQUE ID: 210917_24
Press releases

Հայաստանը և Եվրոպոլը ստորագրեցին համաձայնագիր լուրջ և կազմակերպված անդրսահմանային հանցավորության դեմ պայքարի վերաբերյալ


Սեպտեմբերի 16-ին Եվրոպոլը և Հայաստանը ստորագրել են ռազմավարական համագործակցության համաձայնագիր անդրսահմանային հանցագործությունների դեմ պայքարում համագործակցությունն ընդլայնելու վերաբերյալ:

Համաձայնագիրը գործընկերներին հնարավորություն կտա աշխատել մի շարք առանցքային ոլորտներում, ինչպիսիք են փախստականների մաքսանենգությունը, կիբեռհանցավորությունը, թմրամիջոցների ապօրինի շրջանառությունը, ակտիվների վերականգնումը, փողերի լվացումը, կազմակերպված գույքային հանցավորությունը և մարդկանց թրաֆիքինգը:

Համաձայնագիրը թույլ է տալիս ընդհանուր ռազմավարական հետախուզության, ինչպես նաև ռազմավարական և տեխնիկական տեղեկատվության փոխանակում՝ բացառությամբ անձնական տվյալների, ինչպես նաև՝ Եվրոպոլ կգործուղվի Հայաստանի կապի սպա:

Ռազմավարական համագործակցության մասին համաձայնագրի ստորագրմամբ եզրափակվում են լուրջ և կազմակերպված հանցավորության դեմ համատեղ  արդյունավետ պայքար ծավալելու վերաբերյալ հաջող բանակցությունները Հայաստանի և Եվրոպոլի միջև ։  

Համաձայնագրի ուժի մեջ մտնելուց հետո համագործակցության այս նոր մակարդակը կարևոր կլինի ինչպես Եվրոպական միության, այնպես էլ Հայաստանի համար առաջնահերթ համարվող հանցավորության ոլորտներում գործունեություն ծավալելու առումով։


 

Languages:
Խմբագրական բաժիններ: