This site has been archived on (2015/08/19)
19/08/2015

Fréttir

mars 16, 2015, 09:12

Staða og horfur EES-samningsins

Opinn fundur á vegum Evrópustofu og Alþjóðamálastofnunar Háskóla Íslands miðvikudaginn 18. mars kl. 12:00-13:30 í Hátíðarsal Háskóla Ísland


Ríkisstjórnin hefur á kjörtímabilinu lagt áherslu á að draga umsókn Íslands að ESB til baka og á sama tíma efla  framkvæmd EES-samningsins og nánara samstarf við ESB á grundvelli hans. Þrátt fyrir þessa stefnu hefur gagnrýni á EES-samninginn aukist á undanförnum mánuðum þar sem nokkrir þingmenn hafa viðrað þá skoðun að samningurinn sé íþyngjandi fyrir Ísland og að hann taki ekki tillit til sérstöðu landsins í ýmsum málum. Í ljósi þessa er vert að spyrja: Hver er framtíð EES-samningsins? Þjónar samningurinn íslenskum hagsmunum? Sé vilji til að segja upp samningnum, hvaða aðrar leiðir eru þá færar í samskiptum landsins við ESB? Hver er afstaða þingflokkanna til samningsins og hvernig sjá þeir fyrir sér samband Íslands við ESB á komandi árum og áratugum?

Framkvæmd EES-samningsins á Íslandi: Alvarlegt ástand

Stöðu Íslands við framkvæmd EES-samningsins þarf að bæta. Skortur er á pólitískum forgangi á málefnum tengdum EES-samningnum í ráðuneytum og á Alþingi. Nauðsynlegt er að auka fjárveitingu til málaflokksins, fjölga starfsmönnum, bæta skipulag og síðast en ekki síst koma á góðum aga í vinnubrögðum.
Sverrir Haukur Gunnlaugsson er lögfræðingur, fyrrverandi ráðuneytisstjóri utanríkisráðuneytisins og fyrrverandi sendiherra Íslands. Hann var stjórnarmaður í Eftirlitsstofnun EFTA í Brussel 2010-13. 

Eftir erindi Sverris Hauks verða pallborðsumræður með fulltrúum stjórnmálaflokka:

Árni Páll Árnason, formaður Samfylkingarinnar

Bjarni Benediktsson, fjármálaráðherra og formaður Sjálfstæðisflokksins

Birgitta Jónsdóttir, kafteinn Pírata

Frosti Sigurjónsson, formaður efnahags- og viðskiptanefndar Alþingis og þingmaður Framsóknarflokksins

Guðmundur Steingrímsson, formaður Bjartrar framtíðar

Katrín Jakobsdóttir, formaður Vinstri hreyfingarinnar – græns framboðs

Fundarstjóri:

Ólafur Þ. Harðarson, prófessor í stjórnmálafræði og stjórnarformaður Alþjóðamálastofnunar Háskóla Íslands.

Fundurinn fer fram á íslensku og eru allir velkomnir.

Nánari upplýsingar: www.ams.hi.is og www.evropustofa.is 

Alþjóðamálastofnun á Facebook: www.facebook.com/althjodamalastofnun 

Evrópustofa á Facebook: www.facebook.com/evropustofa

Evrópustofa og Alþjóðamálastofnun Háskóla Íslands standa fyrir opnum fundum um málefni sem eru ofarlega í umræðunni í Evrópu um þessar mundir. Sjónum er sérstaklega beint að EES-samningnum, norðurslóðum, dýravelferð, heilbrigðisþjónustu yfir landamæri, utanríkismálum og stjórnmálaástandinu í Evrópu.