This site has been archived on (2015/08/19)
19/08/2015

Fréttir

október 8, 2014, 16:16

Oddný Eir hlýtur Bókmenntaverðlaun ESB

Oddný Eir hlaut í dag Bókmenntaverðlaun Evrópusambandsins fyrir bók sína Jarðnæði.


Androulla Vassiliou, framkvæmdastjóri Evrópusambandsins um menntun, menningu, fjöltyngi og æskulýðsmál, tilkynnti vinningshafana í keppninni á bókamessunni í Frankfurt í dag en verðlaununum er ætlað að veita nýjustu og bestu upprennandi rithöfundunum í Evrópu viðurkenningu. 

Vinningshafar þessa árs eru: Ben Blushi (Albaníu), Milen Ruskov (Búlgaríu), Jan Němec (Tékklandi), Makis Tsitas (Grikklandi), Oddný Eir (Íslandi), Janis Jonevs (Lettlandi), Armin Öhri, (Liechtenstein), Pierre J. Mejlak (Möltu), Ognjen Spahić (Svartfjallalandi), Marente de Moor (Hollandi), Uglješa Šajtinac (Serbíu), Birgül Oğuz (Tyrklandi) og Evie Wyld (Bretlandi).

Bókmenntaverðlaun Evrópusambandsins (EUPL) standa þeim löndum opin sem eru þátttakendur í Skapandi Evrópu, kvikmynda- og menningaráætlun ESB. Á hverju ári sjá landsdómnefndir frá einum þriðja af þátttökulöndunum – 13 að þessu sinni – um að útnefna vinningshöfundana. 

Frekari upplýsignar um verðlaunin er að finna hér