This site has been archived on (2015/08/19)
19/08/2015

Fréttir

febrúar 27, 2012, 14:17

Evrópustofa um land allt

Fundur um ESB á Akureyri

 

•    Hver er staðan innan ESB?

•    Hver er gangur aðildarviðræðnanna við Ísland?

•    Hvað gerir upplýsingamiðstöð ESB á Íslandi?


Evrópustofa, upplýsingamiðstöð ESB á Íslandi,efnir til opins fundar um Evrópumál á Akureyri, miðvikudaginn 29. febrúar, kl. 17-18 á Hótel KEA. 

Á fundinum fjalla Morten Jung, yfirmaður Íslandsmála hjá stækkunarskrifstofu ESB, og Timo Summa, sendiherra ESB á Íslandi, um stöðu mála innan Evrópusambandsins og gang aðildarviðræðna sambandsins við Ísland. Jafnframt kynnir framkvæmdastýra Evrópustofu, Birna Þórarinsdóttir, starfsemi upplýsingamiðstöðvar ESB á Íslandi.Að framsögum loknum verður efnt til umræðna. Erindi Morten Jung og Timo Summa fara fram á ensku.

Fundaröð um allt land

Fundurinná Akureyri er liður í áformum Evrópustofu að stuðla að aukinni umræðu, þekkingu og skilningi á eðli og starfsemi ESB.

,,Í því skyni ætlum viðstanda fyrir röð kynningar- og umræðufunda víðsvegar um landið á komandi vikum, enda er afar mikilvægt að fólkgefist tækifæri til að taka þátt í Evrópuumræðunni - óháð búsetu,” segir Birna Þórarinsdóttir, framkvæmdastýra Evrópustofu.