"Еўрапейскі дыялог па мадэрнізацыі" з беларускім грамадствам

У сваіх высновах ад 23 сакавіка 2012 года Савет па замежных справах вітаў пачатак "Еўрапейскага дыялога па мадэрнізацыі" з беларускім грамадствам. Пра афіцыйны пачачак Еўрапейскага дыялогу па мадэрнізацыі 29 сакавіка 2012 года падчас сустрэчы ў Брусэлі абвясціў Камісар па пытаннях пашырэння і Еўрапейскай палітыцы суседства Штэфан Фюле.

Еўрапейскі дыялог па мадэрнізацыі – гэта абмен поглядамі ды ідэямі паміж ЕС і прадстаўнікамі беларускай грамадзянскай супольнасці і палітычнай апазіцыі па пытаннях рэформ, неабходных для мадэрнізацыі Беларусі, і пра адпаведны патэнцыял развіцця адносінаў з ЕС, а таксама пра звязаную з гэтым магчымую падтрымку з боку ЕС.

Еўрапейскі дыялог мае наступныя задачы:   

(i)            Еўрапейскаму Саюзу, беларускай апазіцыі і грамадзянскай супольнасці сфармаваць больш яснае бачанне сучаснай і дэмакратычнай Беларусі і рэформ, неабходных для мадэрнізацыі Беларусі;

(ii)          больш дакладна вызначыць адпаведны патэнцыял развіцця адносінаў з ЕС на аснове Еўрапейскай палітыкі суседства і Ўсходняга партнёрства, а таксама патэнцыял магчымай звязанай з гэтым падтрымкі з боку ЕС;

(iii)        беларускім удзельнікам атрымаць практычны досвед і авалодаць досведам краін-сябраў ЕС у праходжанні пераходных перыядаў.

Дыялог арганізуюць супольна Еўрапейская служба знешняга дзеяння і Камісія з удзелам краін-сябраў ЕС. Працэс будзе адкрыты для ўдзелу грамадзянскай супольнасці і палітычнай апазіцыі.

Праца будзе весціся ў рамках чатырох тэматычных працоўных груп:

a)     палітычны дыялог і палітычная рэформа;

b)     юстыцыя і ўнутраныя справы, у тым ліку праблемы мабільнасці, кантакты паміж людзьмі;

c)      эканамічныя і сацыяльныя рэформы, палітыка ў розных галінах, у тым ліку пытанні прыватызацыі;

d)     рэформы гандлю і рынку, рэформа сістэмы рэгулявання.

Сустрэчы працоўных груп найчасцей будуць праходзіць у Мінску. Дадатковыя тэматычныя семінары і сустрэчы па ключавых аспектах мадэрнізацыі будуць арганізаваныя краінамі-сябрамі ЕС і Еўрапейскай службай знешняга дзеяння/Камісіяй.

Back to